Mama eks-śpiecnazaŭca Juryja Haraŭskaha: Kvitok da Hiermanii apłaciła synu sa svaich hrošaŭ, jamu abiacali tam apieracyju
16 śniežnia źjaviłasia siensacyjnaje pryznańnie byłoha śpiecnazaŭca Juryja Haraŭskaha. Jon zajaviŭ, što mieŭ dačynieńnie da zabojstva Viktara Hančara, Juryja Zacharanki i Anatola Krasoŭskaha.
Čytajcie taksama: Były śpiecnazaviec: Ja ŭdzielničaŭ u zabojstvie Zacharanki i Hančara
Haraŭski pryznaŭsia, što ciapier znachodzicca ŭ Jeŭropie na lačeńni, źjechaŭ tudy ŭvosieni 2018 hoda.
Lačeńnie spatrebiłasia, bo ŭ 2007 hodzie Juryj trapiŭ u ciažkaje DTZ, u jaho aŭto ŭlacieła fura. Paśla Haraŭski zastaŭsia invalidam. Jon ličyć, što heta byŭ zamach na jaho žyćcio.
«Naša Niva» źviazałasia z mamaj Juryja Haraŭskaha. Žančyna raspaviała, što paśla avaryi syn žyŭ ź joj. Jon atrymaŭ 2-ju hrupu invalidnaści, nidzie nie pracavaŭ. Chadziŭ ledź-ledź i tolki z kijkom, pakutavaŭ ad strašnaha bolu. Paśla DTZ razyšoŭsia z žonkaj. Jak kaža mama Juryja, razvod prajšoŭ mirna.
Za miažu Jury źjechaŭ, bo ŭ Biełarusi nie moh atrymać dobraje lačeńnie. «Ja płaciła šalonyja hrošy daktaram, — kaža žančyna, — ale jany nie dapamahali».
Jana zapeŭnivaje, što pastajanna vyklikała synu chutkuju — tak u jaho baleła naha, — ale daktary nibyta aburalisia, čamu jany musiać rabić ukoł ad bolu, maŭlaŭ, prosta sami dajcie jamu tabletku.
Pierad adjezdam syn pastaviŭ maci pierad faktam: maŭlaŭ, źjazdžaje ŭ Hiermaniju, tam jamu abiacali zrabić apieracyju. Chto abiacaŭ, za jakija hrošy apieracyja — žančyna nie viedaje. Kvitok da Hiermanii Juryju apłaciła maci sa svaich hrošaj.
Detali pajezdki Haraŭski maci nie paviedamlaŭ, pra toje, što płanuje prasić prytułak, nie kazaŭ. Za jakija hrošy siońnia žyvie jaje syn, žančyna taksama nie viedaje.
Mama Haraŭskaha kaža, što internetam nie karystajecca, tamu videa, dzie jaje syn pryznajecca ŭ zabojstvach, nie bačyła, choć i čuła pra jaho.
Žančyna ličyć, što Juryj nie vinavaty, što jaho vykazvańni, najchutčej, niapraŭda. A kali Juryj i ŭdzielničaŭ, to heta było pa kamandzie načalstva. «Šukajcie tych, chto jamu skamandavaŭ», — raić žančyna.
-
Lizavietu Prakopčyk prahnazavana abrali vice-śpikierkaj Kaardynacyjnaj rady
-
Amal 10 hadoŭ tamu ŭ Biełarusi hrymieła «sprava siamnaccaci». Jak dalej skłaŭsia los jaje fihurantaŭ-siłavikoŭ?
-
«Pacuki, błochi, śmiećcie, a ŽEU rapartuje, što ŭsio prybrana». Žychary Žodzina aburanyja, što musili sami ačyščać padvał
Ciapier čytajuć
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary