Na Akreścina, dzie siadziać Statkievič, Sieviaryniec i inšyja viaźni, nie prymajuć pieradačy «praz epidemijałahičnuju abstanoŭku»
Centr izalacyi pravaparušalnikaŭ (CIP) HUUS Minharvykankama pierastaŭ prymać pieradačy dla zatrymanych — «u suviazi ź niespryjalnaj epidemijałahičnaj abstanoŭkaj». Hetuju infarmacyju apublikavała ŭ siabie ŭ Facebook Maryna Adamovič, žonka apazicyjnaha palityka Mikałaja Statkieviča, jaki ciapier adbyvaje tam aryšt.
Pa numary dziažurnaha ŭ CIP TUT.BY paćvierdzili, što z 10 červienia pieradačy časova nie prymajucca «z-za niespryjalnaj epidemijałahičnaj abstanoŭki». Jak doŭha praciahniecca hetaja zabarona, dziažurny rastłumačyć nie zmoh.
— Heta značyć, svajaki nie zmohuć pieradać navat vadu abo srodki hihijeny?
— Pieradaču nie prymuć.
Pres-aficer HUUS Minharvykankama Nadzieja Hanusievič paćvierdziła TUT.BY, što ŭ CIP časova nie prymajuć pieradačy.
— Hetyja abmiežavańni praduhledžanyja ŭnutranymi dakumientami HUUS Minharvykankama i praciahnucca da palapšeńnia epidemijałahičnaj abstanoŭki.
Na pytańnie, čamu hetyja abmiežavańni nie ŭviali raniej, kali epidemijałahičnaja situacyja ŭ Minsku była bolš napružanaj, TUT.BY u milicyi nie adkazali.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk10
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ44
Kamientary