Jarmošyna raskazała pra «šantaž» pry zbory podpisaŭ za alternatyŭnaha kandydata
Na adnym z pradpryjemstvaŭ nibyta pahražali niavypłataj zarobku za admovu stavić podpis za alternatyŭnaha kandydata. Pra heta zajaviła siońnia žurnalistam staršynia CVK Lidzija Jarmošyna, pieradaje BiełTA.
«U Centralnuju kamisiju pa faktach zvalnieńnia nie źviartalisia. Tym nie mienš my dniami atrymali ananimnuju zajavu, jana tyčyłasia alternatyŭnaha kandydata. Rabotniki pryvatnaha pradpryjemstva skazali, što siabra inicyjatyŭnaj hrupy, jana ž hałoŭny buchhałtar i žonka ŭładalnika pradpryjemstva, adnaznačna zajaviła, što kali podpisy nie buduć pastaŭleny, to jany nie atrymajuć zarobak», — paviedamiła Lidzija Jarmošyna.
Nahadajem, siońnia Łukašenka zajaviŭ ab zvalnieńni ludziej u pryvatnych kampanijach. «Apošnim časam, upeŭnieny, i vam hetak ža, jak i mnie, pastupajuć skarhi ad ludziej pa chodzie tak zvanaj hetaj vybarčaj kampanii. Što mianie aburaje asabliva — u Minsku, inšych haradach (heta charakterna dla haradoŭ) pryvatnyja kampanii zvalniajuć ludziej. Prytym, bajusia skazać masava, ale dosyć šmat. Ja nakont hetaha adpaviednuju zajavu ŭžo rabiŭ. Mała taho, zvalniajuć ludziej — tych, chto nie addaŭ podpis za alternatyŭnych tak zvanych kandydataŭ: ty tam za Piatrova, Sidarava nie raśpisaŭsia — sychodź», — adznačyŭ jon.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk10
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ44
Kamientary