Čarhovy chapun u Minsku. Milicyja zatrymała ludziej, jakija stajali ŭ čarzie da kramy Symbal.by. MUS tłumačyć čamu
Čarhovyja zatrymańni ŭ Minsku — hetym razam kala kramy Symbal.by, kudy ludzi pryjšli kupić patryjatyčnuju pradukcyju praz chutkaje zakryćcio kramy.
Na vulicy ŭtvaryłasia čarha, ale nieŭzabavie pryjechali try mašyny milicyi, u tym liku aŭtazak z AMAPam, kudy biez razboru pačali kidać ludziej.
«Naša Niva» źviarnułasia ŭ MUS z pytańniem, za što zatrymlivajuć ludziej u čarzie.
«Ludzi dastaŭleny ŭ milicyju dla razboru ŭ metach spynieńnia supraćpraŭnaj dziejnaści, jakaja vykazałasia [vy bačyli, peŭna, pa videa] — jany zabłakavali mašynu, złamali lusterka… Mašyna cyvilnaja sprabavała vyjechać», — skazała aficyjny pradstaŭnik minskaj milicyi Natalla Hanusievič.
Hanusievič nie adkazała na pytańnie «Našaj Nivy», jak AMAP tak chutka zrazumieŭ, kaho mienavita treba zatrymlivać za nibyta złamanaje škło — dziejańni AMAPa vyhladali absalutna advolnymi, jany chapali ŭsich zapar.
Vidavočcy kažuć, što zatrymanych dziasiatak čałaviek.
Razbor ža pa takich drobnych skarhach u inšych abstavinach nikoli nie supravadžajecca masavymi zatrymańniami z dapamohaj śpiecyjalnych padraździaleńniaŭ.
Miarkučy pa fota i pa proźviščy, siarod zatrymanych — Alaksandr Kuźniacoŭ, student-navatar Biełaruskaha dziaržaŭnaha ŭniviersiteta, jaki razam sa svaimi siabrami za ŭłasnyja hrošy na 3D-pryntarach zapuściŭ druk detalaŭ srodkaŭ indyvidualnaj abarony i aparataŭ štučnaj vientylacyi lohkich dla miedykaŭ, jakim nieabchodnaja była dapamoha ŭ baraćbie z pandemijaj karanavirusa. Pra chłopca pisali ŚMI i sajt jahonaha ŭniviersiteta.
Voś fota: studenta-treciakurśnika miechanika-matematyčnaha fakulteta viaduć dvoje ŭ čornym.
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary