«Asobnyja resursy raspaŭsiudžvajuć niepraŭdzivuju infarmacyju». Advakaty Babaryki źviarnulisia da hienprakurora
Advakaty Viktara Babaryki Natalla Mackievič i Dźmitryj Łajeŭski padali na imia hienieralnaha prakurora skarhu z pryčyny parušeńnia prezumpcyi nievinavataści ŭ dačynieńni da ich padabaronnaha, raspaviali jany TUT.BY.
Abaroncy adznačajuć: vynikajučy z artykuła 26 Kanstytucyi i artykuła 16 Kryminalna-pracesualnaha kodeksa, nichto nie moža być pryznany vinavatym u złačynstvie, pakul jaho vina nie budzie dakazanaja ŭ praduhledžanym paradku i ŭstanoŭlena prysudam suda, jaki ŭstupiŭ u zakonnuju siłu.
— Heta značyć, što da paznačanaha momantu nichto nie maje prava rabić publičnyja śćviardžeńni ab vinavataści kaho-niebudź, u tym liku Viktara Babaryki. Adnak z momantu zatrymańnia asobnyja infarmacyjnyja resursy raspaŭsiudžvajuć pra jaho hańbiačuju i niepraŭdzivuju infarmacyju, jakaja zaklučajecca nie ŭ apisańni padazreńniaŭ, a ŭ śćviardžeńni pra nibyta ŭčynienaje złačynstva. Usie hetyja zajavy my dakumientujem. I voś ciapier sabrali niekatoryja klučavyja prykłady padobnych zajaŭ i źviarnulisia da hienieralnaha prakurora z prośbaj pryniać miery pa spynieńni parušeńniaŭ prezumpcyi nievinavataści, — raspaviali advakaty.
Nahadajem, advakataŭ Viktara Babaryki nie puskajuć da jaho ŭ SIZA KDB užo čatyry dni. Apošni raz abaronca Dźmitryj Łajeŭski sustrakaŭsia ź Viktaram Babarykam u SIZA 20 červienia, kali ŭ jaho prysutnaści prachodzili «pracesualnyja dziejańni». Paśla hetaha trapić da svajho klijenta advakat nie moža — 22 červienia Łajeŭskamu ŭ SIZA zajavili, što naviedvańni advakatami padabaronnych u izalatary nie pravodziacca z-za epidemijałahičnaj situacyi. Łajeŭski padaŭ dźvie skarhi ŭ Hienprakuraturu.
Ciapier čytajuć
Łukašenka: Raman Pratasievič — daŭni supracoŭnik biełaruskaj raźviedki47
Kamientary