Pa rašeńni AAC znoŭ adklučany NN.by. Čytajcie nas na Nashaniva.by i ŭ sacsietkach
Jak my tolki što daviedalisia, pa rašeńni Apieratyŭna-analityčnaha centra NN.by iznoŭ budzie adklučany. Čytajcie nas na Nashaniva.by i ŭ sacsietkach.
Ukantakcie: https://vk.com/nashaniva/
Facebook: https://facebook.com/nashaniva/
Adnakłaśniki: https://ok.ru/nashaniva/
Instagram: https://instagram.com/nashaniva/
Twitter: https://twitter.com/nashaniva/
Telegram: https://t.me/nashaniva/
Damien NN.by, jakim raniej vałodała UP «Surodzičy», byŭ vystaŭleny na aŭkcyjon, zapłanavany na siaredzinu lipienia. Hety damien moh by atrymać luby, chto zapłacić bolšuju sumu.
Adnak pavodle praviłaŭ, na aŭkcyjon nie vystaŭlajucca damiennyja imiony z anulanavanaj rehistracyjaj, kali jany «źjaŭlajucca tojesnymi albo padobnymi da stupieni źmiašeńnia» z najmieńniami zarehistravanych kampanij. U suviazi z hetym UP «NNbaj» źviarnułasia da administratara nacyjalnaj damiennaj zony (TAA «Nadziejnyja prahramy») z prośbaj pieradać tojesny damien. Zajaŭka była zadavolenaja. «NNbaj» stała haspadarom damiena na dva hady.
Tym časam UP «Surodzičy», jaki vałodaje «Našaj Nivaj», damoviłasia z «NNbaj», što novaja kampanija budzie vieści sajt NN.by.
UP «NNbaj» pavinna być uniesienaje ŭ dziaržaŭny rejestr BiełHIE. U našaj situacyi hetu zajaŭku padajuć «Nadziejnyja prahramy». Pracedura miechaničnaja, zvyčajna zajmaje dzień-dva, choć farmalna moža zajmać da 15 dzion.
Ad ranicy 30 červienia sajt «Našaj Nivy» zapracavaŭ pa zvykłym damienie NN.by. Karystalniki, jakija nie viedali pra časovy pierajezd, zmahli viarnucca na staronki vydańnia. Pa stanie na viečar na sajcie adnačasova znachodziłasia kala 2700 karystalnikaŭ.
Uviečary 30 červienia Apieratyŭna-analityčny centr pry prezidencie — śpiecsłužba, jakaja kantraluje biełaruski internet, — paviedamiła, što «NNbaj» pavinna zarehistravacca ŭ sistemie BiełHIE nie paźniej za 10 lipienia.
Adnačasova było AAC pryniaŭ rašeńnie ab terminovym prypynieńni pracy damiena NN.by. Pravajdary pačali adklučeńnie sajta «Našaj Nivy».
Farmalna damien NN.by pavinien adnavić pracu paśla taho, jak «NNbaj» atrymaje dazvoł ad BiełHIE. Jak heta budzie nasamreč, nichto nie viedaje.
Pakul što Redakcyja viartajecca na damien Nashaniva.by. Kali łaska, paviedamcie siabram pra heta.
Ciapier čytajuć
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna43
Kamientary