Maderatar sacsietak «Krainy dla žyćcia» Dźmitryj Papoŭ pryznany palitviaźniem
U suviazi z pradjaŭleńniem 10 lipienia abvinavačvańnia pa č. 1 art. 342 Kryminalnaha kodeksa (Arhanizacyja ci aktyŭny ŭdzieł u hrupavych dziejańniach, jakija hruba parušajuć hramadski paradak) maderataru sacyjalnych sietak «Krainy dla žyćcia», hramadzianinu Rasii Dźmitryju Papovu pravaabarončaja supolnaść Biełarusi pryznaje jaho palityčnym źniavolenym, paviedamlaje spring96.org
Pry pryniaćci hetaha rašeńnia pravaabaroncy kiravalisia raniej pryniatymi zajavami biełaruskaj pravaabarončaj supolnaści ad 1, 9 i 11 červienia 2020 hoda ab pryznańni palitźniavolenymi fihurantaŭ «spravy Cichanoŭskaha».
Na padstavie hetaha biełaruskija pravaabaroncy patrabujuć ad biełaruskich uładaŭ nieadkładnaha vyzvaleńnia Dźmitryja Papova i spynieńnia raspačataha ŭ dačynieńni da jaho kryminalnaha pieraśledu.
Nahadajem, Dźmitryj Papoŭ źnik uviečary 4 červienia. Da hetaha jon zapisaŭ videa, u jakim raspaviadaje, što jaho šukajuć milicyjanty i chočuć zatrymać u miežach kryminalnaj spravy. Tolki praź niekalki dzion stała viadoma, što jaho asudzili na 15 sutak aryštu i pieravieźli ŭ Minsk u izalatar časovaha ŭtrymańnia. Adtul jaho pieraviali ŭ SIZA-1, dzie jon znachodzicca dahetul.
Pa źviestkach pravaabaroncaŭ, Papoŭ — 19-y zatrymany pa hetaj kryminalnaj spravie. 17 čałaviek praciahvajuć znachodzicca pad vartaj: błohiery Siarhiej Cichanoŭski, Uładzimir Niaronski, Siarhiej Piatruchin, Alaksandr Kabanaŭ, Uładzimir Cyhanovič, Źmicier Kazłoŭ, Ihar Łosik, zatrymanyja paśla incydentu ŭ Hrodnie Źmicier Furmanaŭ, Viarhilij Ušak, Arciom Sakaŭ, Alaksandr Aranovič, Jaŭhien Raźničenka, Uładzimir Kniha, Andrej Novikaŭ, palityk Mikałaj Statkievič, Siarhiej Sparyš, Dźmitryj Papoŭ.
Jašče dva fihuranty spravy — Vasil Babroŭski i Uładzimir Navumik — 9 lipienia byli vyzvaleny ź SIZA. Im źmianili mieru strymańnia na padpisku ab niavyjeździe.
-
Kolki času zajmaje vydača pašparta novaj Biełarusi? Były kalinoviec raskazaŭ, jak atrymlivaŭ dakumient
-
U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?
-
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič
Kamientary