i, mahčyma, dziaržpadtrymku taksama. Pra heta zajaviła 16 krasavika kiraŭnik Minekanamraźvićcia RF Elvira Nabiulina na sustrečy z premjer‑ministram Uładzimiram Pucinym.
Biełaruskija kampanii, jakija pracujuć z rasijskimi partniorami, atrymajuć prefierencyi pry dziaržzakupkach u Rasii, i, mahčyma, dziaržpadtrymku, zajaviła 16 krasavika kiraŭnik Minekanamraźvićcia RF Elvira Nabiulina na sustrečy z premjer‑ministram Uładzimiram Pucinym.
Pra heta paviedamlaje RIA Novosti.
Nabiulina nahadała pra zahad ministerstva, jaki ŭstanaviŭ cenavyja prefierencyi pry dziaržzakupkach dla rasijskich tavaraŭ pa vyznačanym pieraliku ŭ 15%. «Ciapier my ŭnosim źmianieńni ŭ zahad i raspaŭsiudžvajem takija prefierencyi na pradukcyju šerahu biełaruskich pradpryjemstvaŭ, jakija najpierš pracujuć u kaapieracyi z rasijskimi kampanijami. Tam vialikaja dola kamplektacyi ad rasijskich kampanij», — skazała Nabiulina. Heta značyć, patłumačyła jana, rasijski bok adnačasova budzie dapamahać biźniesu ŭ abiedźviuch krainach. «Aprača taho, my ŭzhadnili ź biełaruskim bokam pieralik kampanij, jakija možna razhladać jak pretendentaŭ na raspaŭsiudžvańnie mier dziaržpadtrymki. Heta kampanii, jakija znachodziacca ŭ ciesnaj kaapieracyjnaj suviazi», — skazała ministr.
Nabiulina paviedamiła, što ź Biełaruśsiu iduć pieramovy ab tym, jak vystrojvać adnosiny ŭ śfiery raźvićcia lizinhu. «Dla našych krain i rynkaŭ heta vielmi važna. My damovilisia ź biełaruskim bokam, što budziem rabić heta na parytetnym pačatku, — paviedamiła kiraŭnik Minekanamraźvićcia. — Tak što my płan vykonvajem».
«Usie raniejšyja damoŭlenaści, usie raniejšyja prefierencyi, jakija byli ŭzhodnieny, pracujuć dahetul?» — udakładniŭ Pucin. «Ničoha nie mianiałasia», — paćvierdziła Nabiulina.
«Biezumoŭna, jość ciažkaści z atrymańniem bankaŭskich kredytaŭ, ale jany jość i ŭ našych kampanij. Heta ahulnaja situacyja», — zaŭvažyła ministr.
Jak skazała Nabiulina, pavodle danych statystyki, za studzień—luty Biełaruś vyjšła na pieršaje miesca jak handlovy partnior siarod krain SND. Jana nahadała, što raniej pieršaje miesca zajmała Ukraina, druhoje — Biełaruś.
«A siarod usich partnioraŭ Biełaruś pieramiaściłasia z šostaha na miataje miesca, choć u cełym tavaraabarot, na žal, padaje», — paviedamiła jana.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ8
Kamientary