Čamu biełaruski pratest staŭ «kulturnym» i ci mahčyma akulturyć AMAP

U novym vypusku debataŭ «DysKUT» pra toje, što adbyłosia ź biełaruskaj kulturaj u vyniku palityčnaha kryzisu i masavych pratestaŭ, pra kulturu płakataŭ, murałaŭ i dvaroŭ dyskutujuć kulturołah, publicyst Maksim Žbankoŭ i mastak, pierformier Michaił Hulin.

Pavialičyć

«Mnie zaŭsiody vielmi dziŭna bačyć, jak niechta ŭjaŭlaje sabie kulturu jak ministerstva praŭdy. To-bok my budziem zaraz usim raskidvać pravilnyja sensy, my ŭsich navučym pravilna lubić Radzimu i apranacca ŭ pravilnuju koleravuju hamu. Usich zabiaśpiečym pravilnymi ściahami — i budzie ŭ nas hłabalnaje ščaście. Mnie zdajecca, što heta dastatkova vulharnaje i prymityŭnaje ŭjaŭleńnie pra kulturu jak ahitresurs», — tłumačyć kulturołah Maksim Žbankoŭ. 

Jon staić na tym, što kultura pa vyznačeńni, kali heta realnaja kultura, — kreatyŭnaja, dynamičnaja, zaŭsiody žyvaja, zaŭsiody nieliniejnaja i zaŭsiody słaba paddajecca redaktury.

«Adzin z maich samych strašnych kašmaraŭ — pieramoha kiravanaj kultury. Ja liču, što naša ciapierašniaja situacyja moža być apisanaja jak kanflikt śvietaŭ, jak vajna śvietaŭ, jakaja zaraz znachodzicca ŭ peŭnym sensie ŭ stadyi prabuksoŭki. AMAP suprać stužačak — nie viedaju, nazavicie heta vajnoj kultur, dla mianie heta vyhladaje vielmi dziŭna. Ja liču, što dla taho, kab pracavać na pieramieny, kultury nie abaviazkova być pratesnaj. Dla hetaha joj dastatkova być žyvoj, kreatyŭnaj, adkrytaj, praŭdzivaj, nonkanfarmisckaj, składanaj i prablemnaj. Tamu ja słaba razumieju spadziavańni na tryumf kultur pratestu. Mnie zdajecca, było b bolš efiektyŭna, kali b luby artyst nie dumaŭ pra toje, jak by jamu bolš efiektna pratestavać, a byŭ zakłapočany najbolš vyraznaj, jarkaj, praŭdzivaj reakcyjaj, kreatyŭnym fidbekam na toje, što adbyvajecca navokał», — ličyć Žbankoŭ.

Kultura nie pavinna mabilizavać i ŭpraŭlać mazhi, bo heta nie misija kultury, a misija palityčnaj prapahandy, miarkuje kulturołah. 

«Rabić mastaka palityčnym prapahandystam — sprava cikavaja, my heta ŭžo prachodzili, čym heta zakančvajecca dla mastakoŭ, dobra viadoma», — nahadvaje jon.

«I da pytańnia, jak akulturyć AMAP. Pravilny adkaz: nijak. Zabyć, jak strašny son. I žyć dalej», — kaža Žbankoŭ.

Jarkija momanty dyskusii:

02:09 — chto ŭdzielničaje ŭ dyskusii 
04:14 — kulturnyja vykazvańni suprać aficyjnaj prapahandy
06:30 — kultura — nie ministerstva praŭdy
09:55 — mastactva — nie dekor, a hienieratar sensaŭ
12:06 — «My badajemsia sa stylem tupoha ahraharadka»
15:39 — 26 hod kulturnaj partyzanki
17:20 — sapraŭdny kulturny pratest — nie pra revalucyju ŭ hramadstvie, a pra advažnuju i niezaležnuju pazicyju mastaka
19:37 — meta mastaka — znajści razryŭ u biehu pa kole
23:32 — kultura nie tolki dla prafiesijnych krytykaŭ
26:45 — chajp na prateście — kultpratest?
33:09 — stvareńnie emacyjnaj salidarnaści — heta jašče nie kreatyŭ
40:06 — unutrycechavaja salidarnaść mastakoŭ i instytucyjanalizacyja kultpratestu
45:33 — kultura vykonvaje funkcyju maralnaha prava
53:04 — navošta biełaruskaj revalucyi svoj muziej?
54:57 — čamu kultura pryjšła ŭ dvary?
58:00 — jak pavinny vyhladać instytucyjnyja struktury novaj biełaruskaj kultury?
01:02:11 — jak źmianilisia archietypy biełaruskaha hramadstva?
01:06:58 — ci patrebna kultury ministerstva?
01:09:11 — jak akulturyć AMAP?

• 0
• 0
• 0
• 0
• 0
• 0
• 0
• 0