«Złoŭžyvajučy pravami i parušajučy abaviazki žurnalista». U Viciebsku buduć sudzić Źmitra Kazakieviča
Niezaležnaha žurnalista Źmitra Kazakieviča vyklikali ŭ adździeł milicyi Pieršamajskaha rajona Viciebska i skłali adrazu dva pratakoły «za niezakonny vyrab i (abo) raspaŭsiud ŚMI» pavodle abnoŭlenaha administracyjnaha zakanadaŭstva, paviedamlaje BAŽ.
U abodvuch pratakołach napisana, što Źmicier Kazakievič, «złoŭžyvajučy pravami i parušajučy abaviazki žurnalista, niezakonna vyrabiŭ» dva materyjały, pakazanyja na telekanale «Biełsat». Składalnik pratakoła major milicyi Uładzimir Kazłoŭski padkreślivaje, što Kazakievič «faktyčna vykonvaŭ funkcyi zamiežnaha žurnalista biez akredytacyi ŭ MZS».
Papiaredniaja data suda — 17 sakavika.
Jak patłumačyŭ Źmicier Kazakievič, milicyjanty skarystali ŭ jakaści dokazaŭ jahonaj vinavataści peŭnuju asabistuju infarmacyju, jakaja paćviardžaje jaho supracoŭnictva z telekanałam «Biełsat». Infarmacyja zachoŭvałasia ŭ kampjutary, što byŭ zabrany ŭ žurnalista jašče ŭ kastryčniku minułaha hoda.
Źmicier Kazakievič viedaŭ, što źviestki pra jahonuju supracu z «Biełsatam» byli pieradadzienyja ŭ RAUS Pieršamajskaha rajona jašče ŭ lutym, kali pakul dziejničaŭ «stary» Kodeks ab administracyjnych pravaparušeńniach — i jaho sudzili b pavodle č. 2 art. 22.9 KaAP, jakaja praduhledžvała ŭ jakaści pakarańnia štraf pamieram ad 20 da 50 bazavych vieličyń.
Ciapier, pavodle č. 3 art. 23.5 abnoŭlenaha KaAP, žurnalistu pahražaje štraf pamieram ad 20 da 30 bazavych vieličyń (z kanfiskacyjaj pradmieta administracyjnaha pravaparušeńnia albo biez kanfiskacyi).
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES31
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary