«Злоўжываючы правамі і парушаючы абавязкі журналіста». У Віцебску будуць судзіць Змітра Казакевіча
Незалежнага журналіста Змітра Казакевіча выклікалі ў аддзел міліцыі Першамайскага раёна Віцебска і склалі адразу два пратаколы «за незаконны выраб і (або) распаўсюд СМІ» паводле абноўленага адміністрацыйнага заканадаўства, паведамляе БАЖ.
У абодвух пратаколах напісана, што Зміцер Казакевіч, «злоўжываючы правамі і парушаючы абавязкі журналіста, незаконна вырабіў» два матэрыялы, паказаныя на тэлеканале «Белсат». Складальнік пратакола маёр міліцыі Уладзімір Казлоўскі падкрэслівае, што Казакевіч «фактычна выконваў функцыі замежнага журналіста без акрэдытацыі ў МЗС».
Папярэдняя дата суда — 17 сакавіка.
Як патлумачыў Зміцер Казакевіч, міліцыянты скарысталі ў якасці доказаў ягонай вінаватасці пэўную асабістую інфармацыю, якая пацвярджае яго супрацоўніцтва з тэлеканалам «Белсат». Інфармацыя захоўвалася ў камп’ютары, што быў забраны ў журналіста яшчэ ў кастрычніку мінулага года.
Зміцер Казакевіч ведаў, што звесткі пра ягоную супрацу з «Белсатам» былі перададзеныя ў РАУС Першамайскага раёна яшчэ ў лютым, калі пакуль дзейнічаў «стары» Кодэкс аб адміністрацыйных правапарушэннях — і яго судзілі б паводле ч. 2 арт. 22.9 КаАП, якая прадугледжвала ў якасці пакарання штраф памерам ад 20 да 50 базавых велічынь.
Цяпер, паводле ч. 3 арт. 23.5 абноўленага КаАП, журналісту пагражае штраф памерам ад 20 да 30 базавых велічынь (з канфіскацыяй прадмета адміністрацыйнага правапарушэння альбо без канфіскацыі).
Цяпер чытаюць
Блогерка правярае чысціню і якасць прадуктаў у мінскіх крамах. Падабаецца гэта не ўсім2
Каментары