Alaksandr Łukašenka siońnia pravioŭ naradu, pryśviečanuju sacyjalna-ekanamičnamu raźvićciu Minska. Adnak pasiadžeńnie pačałosia z abmierkavańnia ŭčorašniaj trahiedyi ŭ Baranavičach, dzie padčas trenirovačnaha palotu zahinuli dva lotčyki, što advodzili samalot ad žyłych damoŭ.
«Siońnia ŭžo zrazumieła, što heta sapraŭdy ludzi, jakija ździejśnili podźvih. Pavodle papiarednich danych pa rasšyfroŭcy «čornych skryniaŭ — samapiscaŭ», — skazaŭ Łukašenka.
Jon raskazaŭ, što padčas palotu ŭ Jak-130 praktyčna imhnienna adzin za adnym admovili roznyja ŭzroŭni sistemy kiravańnia. Tym nie mienš piłoty zmahli advieści samalot ad jašče bolšaj biady i advieści jaho na adziny svabodny ŭčastak ziamli pamiž žyłymi damami. «Piłoty nie katapultavalisia. Jak pakazvajuć skryni, jany zmahalisia da kanca. Prosta adnaho ź ich katapultaj vykinuła padčas udaru ab ziamlu. Jany zmahalisia da kanca, razumiejučy, što ŭ ich i času nie było. I razumieli, što biada budzie, kali samalot upadzie na žyłyja kvartały. Zahinuli dva prosta hieraičnyja čałavieki», — skazaŭ Łukašenka.
Jon adznačyŭ, što ludzi ŭ pieravažnaj bolšaści vykazali spačuvańni siemjam i paprasiŭ Natallu Kačanavu adsačyć, kab siemji zahinułych nie akazalisia pakryŭdžanymi ŭ hetaj situacyi. U adnaho ź piłotaŭ zastalisia troje dziaciej.
«Na žal, jak vy zaŭvažyli, jość u nas i inšyja ludzi. Ich inakš jak miarzotnikami nie nazavieš, — praciahnuŭ Łukašenka. — Učora našy ŚMI ahučyli niekatorych ź ich, pościlisia jany, jak zvyčajna, na svaich hetych staronkach i hetak dalej. Ja paprašu: pieradajcie staršyni KDB — padklučyciesia i pa maksimumie vyjavicie hetych miarzotnikaŭ i dałažycie. Vy zrazumiejcie, kali zdarycca nie daj boh biada ŭ krainie, kažučy movaj minułaj Vialikaj Ajčynnaj vajny, heta — budučyja palicai, jakija buduć palić, zabivać, nie škadujučy nikoha. My ich pavinny viedać u tvar. Ja kažu heta adkryta, kab u našym hramadstvie razumieli — heta miarzotniki».
Raskazvajem pra lotčykaŭ Ničyporčyka i Kukanienku, jakija zahinuli ŭ Baranavičach
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary