U Ministerstva abarony siońnia byŭ vyklikany ataše pa pytańniach abarony, vajenny i vajenna-pavietrany ataše pry pasolstvie Polščy ŭ Biełarusi pałkoŭnik Jarasłaŭ Kambroŭski.
«Da polskaha vajennaha pradstaŭnika była daviedziena infarmacyja nakont nieabhruntavanych i niepravamiernych abvinavačvańniaŭ polskaha boku ŭ dačynieńni biełaruskich vajskoŭcaŭ da mihracyjnaha kryzisu na polska-biełaruskaj miažy», — havorycca ŭ paviedamleńni.
Biełaruski bok adznačyŭ, što dla pradjaŭleńnia takich surjoznych pretenzij patrabujucca važkija dokazy, bieź jakich abvinavačvańni rasceńvajucca ŭ jakaści pravakacyi ŭ dačynieńni da Uzbrojenych Sił našaj krainy.
Minabarony zaniepakojenaje pavieličeńniem kolkaści polskich vajskoŭcaŭ la našych miežaŭ.
«U dadzienym kantekście pałkoŭniku jašče raz było daviedziena, što ŭ adpaviednaści z rehijanalnymi mierami davieru i biaśpieki praduhledžvajecca pryncyp paviedamleńnia i zaprašeńnia biełaruskich naziralnikaŭ za vajennaj dziejnaściu, u jakoj biaruć udzieł 6 tysiač i bolš vajskoŭcaŭ», — adznačyli ŭ viedamstvie.
Pavodle aficyjnaj infarmacyi polskaha boku, da viečara 8 listapada la polska-biełaruskaj miažy było raźmieščana bolš za 12 tysiač vajskoŭcaŭ.
«Da ciapierašniaha momantu Minsk nie atrymaŭ ad polskaha boku ni paviedamleńnia, ni zaprašeńnia naziralnikaŭ. Bolš za toje, nie było navat namieru hatoŭnaści abmierkavać zakłapočanaści», — dadali ŭ pres-słužbie.
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi11
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary