Kitaj zakryŭ svaju pavietranuju prastoru dla samalotaŭ Boeing i Airbus rasijskich avijapieravozčykaŭ, zarehistravanych u dvuch jurysdykcyjach. Pra heta piša RBK sa spasyłkaj na svaje krynicy.
Adna z krynic tłumačyć zabaronu tym, što ŭ mai avijaŭłady Kitaja paprasiła ŭsie avijakampanii, nie tolki rasijskija, aktualizavać elektronnyja daśje (u ich utrymlivajucca źviestki pra samaloty, ułaśnikaŭ avijakampanij, damovy na naziemnaje absłuhoŭvańnie).
Zapyt takich daśje — standartnaja pracedura, padkreślivaje surazmoŭca. Ale niadaŭna ŭ Kitai ŭ jaje była ŭniesienaja karekciroŭka. Rasijskija pieravozčyki, jakija lotajuć u Kitaj, abnavili infarmacyju. Ale ŭłady Kitaja zapytalisia źviestki, jakija paćviardžajuć, što impartnyja samaloty rasijskich pieravozčykaŭ aficyjna źniatyja z rehistracyi za miažoj. Takich dakumientaŭ avijakampanii dać nie zmahli.
Tamu kitajskija avijaŭłady, u adpaviednaści ź mižnarodnym avijazakanadaŭstvam, admovili ŭ palotach na takich samalotach.
Pa słovach krynicy, ciapier patrabavańni pa «čyścini» samalotaŭ z punktu hledžańnia rehistracyi vyłučajuć i inšyja krainy. U jakaści prykładu surazmoŭca pryvioŭ Turcyju, jakaja admaŭlaje ŭ dazvołach na paloty ŭ hetuju krainu abo praź jaje pavietranuju prastoru samalotam «z padvojenaj rehistracyjaj» (samaloty, prymusova zarehistravanyja ŭ Rasii).
Inšy surazmoŭca ŭ rasijskaj avijakampanii paćvierdziŭ, što bieź siertyfikata ab derehistracyi samaloty nie dapuskajucca da palotaŭ u Kitaj.
Ciapier čytajuć
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»9
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary