«Marybor» dy «Dziečyč». Biełaruskija futbolnyja kłuby daznalisia pra sapiernikaŭ pa pieršym raŭndzie kvalifikacyi jeŭrakubkaŭ
Salihorski «Šachcior» i minskaje «Dynama» užo praź miesiac raspačnuć zmahańnie za prava pradstavić Biełaruś u hrupavych stadyjach samych prestyžnych turniraŭ Jeŭropy.
U štab-kvatery UEFA adbyłosia losavańnie pieršaha kvalifikacyjnaha raŭnda mižnarodnych kłubnych turniraŭ siezona-2022/23. Najmacniejšy futbolny kłub Biełarusi, salihorski «Šachcior», atrymaŭ u apanienty pa Lizie Čempijonaŭ słavienski «Marybor». Pieramožca pary vyznačycca pa sumie dvubojaŭ doma i ŭ haściach. Startavać kamandzie Siarhieja Tašujeva daviadziecca na vyjeździe 5 albo 6 lipienia, sustreča ŭ adkaz adbudziecca praz tydzień.
Cikava, što ŭ vizavi biełarusam mahli patrapicca kudy bolš mocnyja — «Fierancvaraš» ź Vienhryi albo bałharski «Łudahorac». Tym nie mienš tut «harniakam» pašancavała. Jak, darečy, i z čarhoj pry losavańni.
Naša para sfarmavałasia praz dadatkovaje losavańnie. A značyć, u vypadku parazy ź Lihi Čempijonaŭ niaŭdačnik vylacić nie ŭ druhi, a adrazu ŭ treci raŭnd kvalifikacyi Lihi kanfierencyj.
Z adnaho boku, takoje sabie suciašeńnie, bo ŭ ŁČ i bonusy za prasoŭvańnie pa sietcy značna bolšyja, i prestyž kudy bolš istotny. Ź inšaha ž — uzrastajuć šancy pa alternatyŭnym šlachu patrapić u hrupu choć jakoha mižnarodnaha spabornictva.
Dadamo, što ŭ vyniku zabarony na praviadzieńnie spabornictvaŭ pad ehidaj UEFA ŭ Biełarusi chatnija matčy «Šachcior» taksama zhulaje za miažoj, na niejtralnym poli. Miarkujecca, što kamanda raźmieścicca ŭ Turcyi i abiare stadyjon albo ŭ Adapazary, albo ŭ Af́jonkarachisary.
Minskaje «Dynama» praz vystupy ŭ ajčynnaj Vyšejšaj lizie atrymała prava pazmahacca za zołata Lihi kanfierencyj. U mahčymych apanientach staličnaha kłuba chadzili kamandy z Armienii, Malty, Hruzii dy Bośnii i Hiercahaviny. Adnak losavańnie pryznačyła «bieła-błakitnym» dvuchmatčavaje spatkańnie z čarnahorskim «Dziečyčam». Doma (dakładniej, na niejtralnym poli ŭ Sierbii) biełarusy zhulajuć 7 lipienia, na vyjeździe — 14-ha.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary