Miadźviedzieŭ: Ustupleńnie Ukrainy ŭ NATA moža pryvieści da Treciaj suśvietnaj vajny, a Finlandyi — nie
Namieśnik kiraŭnika Rady biaśpieki Rasii, eks-prezident Dźmitryj Miadźviedzieŭ zajaviŭ, što ŭstupleńnie Ukrainy ŭ NATA moža pryvieści da Treciaj suśvietnaj vajny. Pryčyna — Krym i «roznaje razumieńnie statusu rehijonaŭ».
«Lubaja sproba pakvapicca na Krym — heta abviaščeńnie vajny našaj krainie. I kali heta robić kraina, jakaja ŭvachodzić u NATA, heta kanflikt z usim paŭnočnaatłantyčnym aljansam. Treciaja suśvietnaja vajna. Tatalnaja katastrofa», — skazaŭ Miadźviedzieŭ u intervju «Arhumientam i faktam».
U hetym kantekście namieśnik kiraŭnika Rady biaśpieki RF miarkuje, što ŭstupleńnie ŭ Aljans Finlandyi i Šviecyi «ničym nie pahražaje» RF.
«Dałučeńnie Šviecyi i Finlandyi da NATA ničym asabliva novym nam nie pahražaje. Hetyja krainy raniej znachodzilisia z Rasijaj u adnosinach, jakija možna nazvać dosyć pavažlivymi i ŭzajemna dobrazyčlivymi. Choć u minułym, viadoma, roznaje zdarałasia. Ciapier u nas z hetymi krainami niama i nie pradbačycca terytaryjalnych sprečak i navat padstaŭ dla ich», — zajaviŭ Miadźviedzieŭ.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary