Maci piaciarych dziaciej z Hrodna, jakaja hałasavała za Łukašenku, asudzili na try hady «chatniaj chimii» za ŭdzieł u akcyjach pratestu
Sud Leninskaha rajona Minska vynies rašeńnie pa spravie palitźniavolenaj Iny Šyrokaj, jakuju abvinavacili ŭ ździajśnieńni złačynstva pavodle č. 1 art. 342 «Arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich». Spravu razhladała sudździa Anastasija Ačałava, piša «Viasna».
Pavodle žančyny, žnivień 2020 hoda pieraviarnuŭ jejnaje žyćcio. I choć, jak jana sama raskazvała ŭ intervju niezaležnym ŚMI, na minułych vybarach jana hałasavała za Łukašenku, kali ŭviečary paśla abviaščeńnia ich vynikaŭ AMAP zatrymaŭ i źbiŭ jaje 18-hadovaha syna Mikitu, usio źmianiłasia. Paśla zajavy ŭ milicyju z nahody napadu na syna, jakaja nie dała nijakich vynikaŭ, Ina razam z astatnimi biełarusami pačała chadzić na akcyi pratestu.
U vinu žančynie ŭdzieł u hetych akcyjach akurat i pastavili, i jana jaho nie admaŭlała. Da suda Inu Šyrokuju pratrymali 145 dzion u SIZA-1.
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno18
Kamientary
i vy zdahadalisia, ad kaho