Hramadstva1616

Jak schavać, što ty danaciŭ praz fejsbuk? Valeryj Capkała i Andrej Stryžak majuć roznyja mierkavańni

Biełarusaŭ masava vyklikajuć u KDB za achviaravańni ŭ fondy salidarnaści. Svaimi dumkami nakont taho, jakim čynam možna abaranicca ad «vykupu» za achviaravańni ŭ fondy dvuchhadovaj daŭniny, jakija rabilisia praz Facebook, padzialilisia Valeryj Capkała i Andrej Stryžak.

Valeryj Capkała i Andrej Stryžak. Fota: wikimedia.org

Valeryj Capkała ŭ sacsietkach apublikavaŭ vialiki dopis pra achviaravańni. Jon skardzicca na toje, što arhanizatary dabračynnych zboraŭ nie schavali staronki zboraŭ i siłaviki bačać tych, chto achviaravaŭ u fondy i paznačyŭ achviaravańnie jak «dastupnaje ŭsim». Sens dopisu Capkały ŭ tym, što kali b arhanizatary schavali staronki, to siłaviki nie zdoleli b tak masava vyklikać ludziej, jakija achviaravali hrošy ŭ fondy ŭ 2020-m.

Adna z parad Capkały — biełarusy, jakija achviaravali praz fejsbuk, mohuć sami zabłakavać staronki arhanizataraŭ zboraŭ i hetym samym schavać fakt svajho danata. U takim vypadku vašy siabry i znajomyja sapraŭdy pierastanuć bačyć vas u śpisach achviaradaŭcaŭ (ale danyja pra vašy achviaravańni z asabistaha kabinieta fejsbuka nikudy nie źniknuć).

Kab zabłakavać staronku, treba zajści ŭ fejsbuk z kampjutara ci braŭziera ŭ režymie kampjutara — z mabilnaj prahramy zrabić heta paprostu niemahčyma. Paśla zajdzicie na staronku arhanizatara zboru, spačatku naciśnicie simvał mieniu (•••), a potym «Zabłakavać».

My spytali ŭ Andreja Stryžaka z fondu BySol pra toje, čamu arhanizatary nie «chavajuć» staronku zboru. Jon adkazaŭ:

«Prablema z paradami spadara Valeryja ŭ tym, što jany nie spracujuć. Da prykładu, u fejsbuku nie isnuje mahčymaści prosta «schavać zbor» — vialikija zbory vydalajucca praz «tancy z bubnam» i pierapisku z administracyjaj płatformy. My heta pravieryli na prykładzie adnaho z našych vialikich fandrajzieraŭ, jaki fejsbuk vydaliŭ, a pra druhi pakul iduć pieramovy.

De-fakta siłaviki znachodziać ludziej pa vypiskach z bankaŭ, a potym patrabujuć pakazać Facebook Pay, ź jakoha nie vydalajucca danyja pra płaciažy navat z vydalenych fandrajzieraŭ.

Tamu ahulnaja rekamiendacyja — abaraniać siabie nastupnym čynam u dva kroki:

  • Pierarehistravać svoj fejsbuk na poštu i telefon, jakimi vy nie karystajeciesia. Heta treba, kab siłaviki nie zdoleli adnavić vaš akaŭnt, na što dajecca 30 dzion paśla vydaleńnia.
  • Paśla hetaha vydalić akaŭnt — tolki tak vydalajucca danyja z Facebook Pay.

Hety mietad tolki dazvalaje pazbavicca ad paćviardžeńnia achviaravańnia i jaho pamieru. Pry hetym jasna, što kali śpiecsłužby Biełarusi chacieli zapisać usich, chto achviaravaŭ publična raniej, to jany daŭno heta zrabili».

Ale na praktycy siłavikoŭ nie cikavić, kudy i na što dakładna vy danacili. Luby fakt danatu praz fejsbuk na siońnia jość padstavaj dla pieraśledu i vymahańnia hrošaj u ludziej».

«Naša Niva» raniej pisała, što na zapyt z boku KDB biełaruskija banki dali śpiecsłužbam infarmacyju ab płaciažach ź biełaruskich kart u bok Facebook za pieryjad sa žniŭnia 2020-ha hoda, kali zdaryŭsia ŭsplosk danataŭ u fondy. A paśla ludziej vyklikajuć, kab pravieryć adrasata danata. To-bok vyvučajecca nie tolki infarmacyja, publična dastupnaja ŭ sacsietkach.

«Naša Niva» — bastyjon biełaruščyny

PADTRYMAĆ

Čytajcie jašče:

Čytačka, jakuju zabrali za danat: Psichałahičny cisk byŭ strašenny (parady ad našaj čytački)

Ja achviaravaŭ u fondy. Jak zrazumieć, što ja ŭ niebiaśpiecy?

Navat za 40 dalaraŭ. Pačynali z ajcišnikaŭ, a ciapier za danaty pačali ciahać usich zapar

Stała viadoma, jak KDB vyličvaje tych, chto danaciŭ u «Bajsoł»

Kamientary16

  • Cypakała
    19.02.2023
    Capkała -bałaboł-mhimošnik. Dobra što jon dajučy takija parady sam siabie zakapvaje. ŽBSU!
  • soma dy soma
    19.02.2023
    "Adna z parad Capkały — biełarusy, jakija achviaravali praz fejsbuk, mohuć sami"

    dziakuj za parady, ajcišniak -pačci šta prezident
  • Juraś
    19.02.2023
    Siabri-biłorusi, a vas nie divuje,ŝo ninišnim opozicijnim ruchom u vas kierujuť ludi,iaki diesiatilittiami buli pidručnimi Saši Škłovśkoho? Łatuški,fieduti,ciepkali toŝo...Možie,tomu j opoziciji u Biłorusi zaraz,faktično,niemaje ? I jaku rol pri nich vidihraje jich "lidier" Śvitłanka,v jakoji čołovik  v zaručnikach,harnoji zastavki??
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stali viadomyja akaličnaści zabojstva pad Oršaj adnaho rasijskaha palicejskaha druhim4

Stali viadomyja akaličnaści zabojstva pad Oršaj adnaho rasijskaha palicejskaha druhim

Usie naviny →
Usie naviny

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia13

Miadźviedzieŭ raskazaŭ, kolki rasijan padpisali vajskovyja kantrakty, i mocna razyšoŭsia z Pucinym1

U Francyi dziciačy chirurh hvałciŭ pacyjentaŭ, kali jany byli pad narkozam5

Siłaviki pryjšli ŭ «Viačerni Babrujsk», «Babrujsk Info» i «Volnaje Hłybokaje»8

Žančyna paskardziłasia, što kiroŭca aŭtobusa nie adčyniŭ joj dźviery, choć jašče nie pajechaŭ. Ale ci abaviazany?2

Hihin anansavaŭ kardynalnuju źmienu vyhladu budynka Nacyjanalnaj biblijateki16

Tramp: Na praciahu dvuch tydniaŭ stanie jasna, ci vodzić nas Pucin za nos14

Rasija prapanuje ŭkraincam sustrecca 2 červienia11

Praź dzieviać miesiacaŭ paśla vyzvaleńnia pamior palitviazień Valeryj Bohdan7

bolš čytanych navin
bolš łajkanych navin

Stali viadomyja akaličnaści zabojstva pad Oršaj adnaho rasijskaha palicejskaha druhim4

Stali viadomyja akaličnaści zabojstva pad Oršaj adnaho rasijskaha palicejskaha druhim

Hałoŭnaje
Usie naviny →

Zaŭvaha:

 

 

 

 

Zakryć Paviedamić