Śviet22

The New York Times nazvała imia čałavieka, jaki vykłaŭ sakretnyja dakumienty Pientahona, i daviedałasia novyja padrabiaznaści 

Pieršakrynicaj uciečki sakretnych dakumientaŭ Pientahona akazaŭsia zakryty anłajn-čat Thug Shaker Central. Jaho maderataram byŭ piłot Nachvardyi VPS ZŠA Džek Tejšejra, piša The New York Times.

21-hadovy Tejšejra znachodziŭsia na słužbie ŭ vyviedvalnym kryle Nacyjanalnaj hvardyi VPS štata Masačusiets. Jon maderavaŭ čat Thug Shaker Central, u jakim kamunikavała ad 20 da 30 čałaviek. U asnoŭnym heta byli padletki.

Žurnalisty pahavaryli z čatyrma ŭdzielnikami čata. Adzin ź jakich skazaŭ, što viedaje čałavieka, jaki źliŭ infarmacyju, jak minimum try hady. Surazmoŭcy vydańnia apisvali jaho jak čałavieka starejšaha, čym bolšaść čalcoŭ hrupy, i jak «biassprečnaha lidara». U razmovie z žurnalistami jany nazyvali jaho psieŭdanimam OG.

Adzin z surazmoŭcaŭ adznačyŭ, što OG mieŭ dostup da raźviedvalnych dakumientaŭ dziakujučy svajoj pracy. Choć jany nie nazyvali jaho pa imieni, ličbavy śled viadzie mienavita da Tejšejra, śćviardžaje vydańnie.

Adzin z padletkaŭ, jakija byli ŭ čacie, nibyta raźmiaściŭ dakumienty na ahulnadastupnym anłajn-forumie, paśla čaho dakumienty padchapili ruskamoŭnyja telehram-kanały.

Niezrazumieła, ci moh małady nachvardiejec mieć dostup da takoha ŭzroŭniu sakretnaści, adnak čynoŭniki va ŭradzie ZŠA, jakija majuć dopusk da sakretnych danych, časta atrymlivajuć takija dakumienty pa elektronnaj pošcie, adznačyŭ adzin čynoŭnik u razmovie z žurnalistami. 

Maci lotčyka, ź jakoj havaryli žurnalisty, skazała, što niadaŭna jon pracavaŭ u načnuju źmienu na bazie Kiejp-Kod. Pavodle jaje, apošnija niekalki dzion chłopiec źmianiŭ numar telefona. Z žurnalistami jon havaryć admoviŭsia, spasłaŭšysia na toje, što jamu patrebny advakat.

Dva amierykanskija čynoŭniki ŭ razmovie z žurnalistami paćvierdzili, što śledčyja płanujuć pahavaryć z Tejšejra pra ŭciečku ŭradavych dakumientaŭ u čat.

Prezident ZŠA Džo Bajden u čaćvier zajaviŭ, što jaho turbuje sam fakt uciečki, ale nie važnaść ahučanych dakumientaŭ: «Nakolki ja viedaju, tam niama ničoha, što mieła b vialikija nastupstvy». Jon dadaŭ, što amierykanskija śpiecsłužby blizkija da taho, kab znajści vinavataha.

Kamientary2

  • Omh
    13.04.2023
    Nadiejuś on zajmiet vakantnoje miesto v Makdonalds
  • Žvir
    13.04.2023
    Cyrk na drocie i z padletkami jašče.:)) Jašče raz, nanoŭ: nie durycie hałavy, nie paviałasia Maskva.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Tramp: 17 sistem Patriot adpravim va Ukrainu8

Tramp: 17 sistem Patriot adpravim va Ukrainu

Usie naviny →
Usie naviny

HUBAZiK zajaviŭ pra zatrymańnie dvuch mahiloŭcaŭ: nibyta jany jechali ŭ krainu z pašpartami Novaj Biełarusi15

Ad čajavańnia z abarankami da piesień pra «hierojaŭ SVA». Jak Ruski dom prynosić u Hrodna ruski śviet17

Biełaruski viertalot Mi-24 źbiŭ rasijski bieśpiłotnik, jaki lacieŭ va Ukrainu8

Zabojstva pałkoŭnika SBU ŭ Kijevie ździejśnili hramadzianie Azierbajdžana6

Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km10

Jak žyvie prosty minski zvarščyk, jaki vyjhraŭ try miljony rubloŭ5

Kudy addać sioleta svaich dziaciej, kab jany vučylisia pa-biełarusku1

Krainy ES pahadzilisia źnizić cenavaje abmiežavańnie na rasijskuju naftu na 15 %

U Francyi źniavoleny zmoh źbiehčy z turmy — jaho vynies u sumcy sukamiernik, jaki vyzvaliŭsia

bolš čytanych navin
bolš łajkanych navin

Tramp: 17 sistem Patriot adpravim va Ukrainu8

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić