Vučeńni ŭkrainskich vajskoŭcaŭ na tankach Abrams pačnucca na nastupnym tydni — Pientahon
Akramia taho, na hetym tydni blizu 250 ukraincaŭ prybuduć u Niamieččynu na navučańnie.
Ukrainskija vajskoŭcy pačnuć navučańnie na tankach M1A1 Abrams prykładna na nastupnym tydni. Pra heta ŭ kamientary «Hołasu Amieryki» raspavioŭ pradstaŭnik Pientahona Patryk Rajder, paviedamlaje «Jeŭrapiejskaja praŭda».
Pavodle jaho słoŭ, čakajecca, što amierykanskija instruktary pačnuć treniroŭki ŭkraincaŭ na tankach M1A1 Abrams «na praciahu nastupnaha tydnia abo kala taho». Akramia taho, jašče adzin vajskovy čynoŭnik na ŭmovach ananimnaści raspavioŭ, što na hetym tydni blizu 250 ukraincaŭ prybuduć u Niamieččynu na navučańnie.
Ukrainskija vajskoŭcy buduć treniravacca na 31 tanku Abrams, jakija prybyli ŭ Niamieččynu ŭ pačatku hetaha miesiaca. Amierykanskija aficyjnyja asoby zajavili, što inšaja partyja M1A1 Abrams znachodzicca na ramoncie ŭ ZŠA i budzie dastaŭlena va Ukrainu da vosieni. Čakajecca, što navučańnie ŭ Niamieččynie praciahniecca kala 10 tydniaŭ.
Ukraincaŭ navučać, jak kiravać tankami, jak manieŭravać u blizkim bai, a taksama techničnamu absłuhoŭvańniu.
Ciapier čytajuć
Kamientary