«Hanaryŭsia, što ŭ svaje hady atrymaje kvateru»: amapaviec, jaki zabiŭ vajenkama ŭ Asipovičach, atrymaŭ 10 hadoŭ kałonii i ŭžyvajecca z palityčnymi
Jak stała viadoma «Našaj Nivie», zabojca Siarhieja Pleskaha, vajenkama Rečyckaha i Łojeŭskaha rajonaŭ, atrymaŭ 10 hadoŭ i adbyvaje ich u «Vićbie». Jak z palityčnymi siadzić były amapaviec, raskazaŭ toj, chto pierasiakaŭsia ź im u kałonii.
38-hadovy Siarhiej Pleski, vajskovy kamisar Rečyckaha i Łojeŭskaha rajonaŭ, zahinuŭ u vyniku bojki ŭ asipovickim restaranie «Praleska» letam 2021-ha.
Pleski adpačyvaŭ u restaranie, dzie ŭ jaho ŭźnik kanflikt z 25-hadovym supracoŭnikam orhanaŭ unutranych spraŭ.
Milicyjant nanios apanientu ŭdar, jaki pryvioŭ da śmierci na miescy zdareńnia. Paźniej vyśvietliłasia, što heta byŭ supracoŭnik AMAP.
Svarka, maŭlaŭ, zdaryłasia praź dziaŭčat.
Čytajcie taksama: Paśla bojki ź milicyjanieram pamior vajskovy kamisar Rečycy. Što viadoma na hety momant?
Jak stała viadoma ciapier, zatrymany tady amapaviec atrymaŭ 10 hadoŭ kałonii pa art. 147 č. 3 KK RB. Svoj termin jon adbyvaje ŭ «Vićbie» — u Viciebskaj kałonii.
Voś što pra jaho raskazali tyja, chto ź im pierasiakaŭsia.
«Małady zusim chłopiec, niama dakładna 30. Słužyŭ u minskim AMAPie, a sam rodam z Asipovič, dzie i adbyŭsia incydent.
Heta nievysoki čałaviek, karanasty. Ale paśla SIZA jon byŭ vielmi aściarožny, ni z kim nie kanfliktavaŭ, ja tak zrazumieŭ, što ŭ SIZA ź jaho źbili ŭvieś honar hety amapaŭski, što «mnie ŭsio dazvolena». Spuścili na ziamlu. Pra palityčnyja padziei kazaŭ, maŭlaŭ, u 2020-m nie pracavaŭ u AMAP, a słužyŭ u niejkim śpiecnazie nie ŭ stalicy i ŭdziełu ŭ razhonach nie prymaŭ. Ale aściarožna ŭsio ž kaleh sprabavaŭ apraŭdvać, ale hłyboka ŭ palityčnyja razmovy nie lez. Na raboty vychodzić z palityčnymi, pracuje, narmalna», — raskazaŭ nam surazmoŭca.
«Asablivych intaresaŭ pa žyćci ŭ jaho nie było, jak ja zrazumieŭ. Jon tolki voś vielmi hanaryŭsia, što ŭ svaje hady jon «zarabiŭ sabie na kvateru». Kali ź im zdaryłasia toje, što zdaryłasia, jon akurat afarmlaŭ ilhotnuju kvateru, śviežuju, u Minsku. Užo dakumienty byli ŭsie padpisanyja, vyrašana ŭsio, čakaŭ tolki pierajezdu. Nu i my śmiajalisia ź jaho», — dadaŭ naš surazmoŭca.
«Naša Niva» — bastyjon biełaruščyny
PADTRYMAĆ-
Jana pryniała isłam, a jon palubiŭ draniki. U Mahilovie pabralisia šlubam biełaruska i pakistaniec
-
U Homieli žančynu vysielili ź internata prosta na vulicu. Jana maci dvuch dziaciej, ale heta ŭ zalik nie pajšło
-
Pajšoŭ u bankructva restaran, jaki naležaŭ siamji Zinhmana. Daŭhoŭ bolš čym na miljon dalaraŭ, a majomaści na 389 rubloŭ
Kamientary
11 hadoŭ Kaleśnikavaj za admovu vyjezdu z svajoj krainy.
Ale amonyš małajčyna ŭsio ž, adnym udaram dvuch zajcoŭ zabiŭ: łukašysckaha vajenkama zadvuchsociŭ i zdarovych ludziej ad siabie na 10 hadoŭ abaraniŭ.