Miniust Ukrainy padaŭ isk na prymianieńnie sankcyj suprać Minabarony Biełarusi
U samim isku fihuruje treciaja asoba — bujnaja kampanija, čyj kiraŭnik byŭ zatrymany za zdradu Ukrainie.
Ministerstva justycyi Ukrainy 17 žniŭnia paviedamiła ab padačy isku na prymianieńnie sankcyj suprać Ministerstva abarony Biełarusi. Adpaviedny isk byŭ padadzieny ŭ Vyšejšy antykarupcyjny sud Ukrainy.
Zhodna z materyjałami isku, pryčynami sankcyj źjaŭlajecca padtrymka Rasii ŭ vajnie suprać Ukrainy.
«Ministerstva abarony Respubliki Biełaruś dziejničaje ŭ intaresach vajenna-palityčnaha kiraŭnictva Rasijskaj Fiederacyi, udzielničajučy ŭ padrychtoŭcy i arhanizacyi ŭzbrojenaj ahresii suprać Ukrainy, u pradastaŭleńni terytoryi i infrastruktury dziaržavie-ahresaru, a taksama ŭ pastaŭkach zbroi, bojeprypasaŭ i vajskovaj techniki Rasii», — havorycca ŭ aficyjnaj zajavie Miniusta Ukrainy.
U samoj zajavie nie ŭkazany patrabavańni ŭkrainskaha boku pa isku, adnak, pavodle słoŭ dyrektara Departamienta sankcyjnaj palityki Miniusta Ukrainy Iny Bahacich, havorka idzie ab kanfiskacyi ŭ biełaruskaha boku avijacyjnych ruchavikoŭ i starcioraŭ.
Akramia taho, u pazovie fihuruje treciaja asoba — bujnaja ŭkrainskaja kampanija «Mator Sič», čyj kiraŭnik Viačasłaŭ Bahusłajeŭ byŭ zatrymany za zdradu Ukrainie jašče ŭ minułym hodzie. Patrabavańni i pazicyja kampanii ŭ isku nie pradstaŭleny.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju1
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6666
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie66
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch17
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
Kamientary