«Vajna praciahvajecca paŭtara hoda, i ja nie baču nijakaha vajennaha rašeńnia, jakoje pryviało b da stabilnaha i doŭhaterminovaha mira», — zajaviła Katalina Novak.
«Vajna praciahvajecca paŭtara hoda, i ja nie baču nijakaha vajennaha rašeńnia, jakoje pryviało b da stabilnaha i doŭhaterminovaha miru. Tamu nieabchodna sieści za stoł pieramovaŭ. Ja vykazała heta ćviordaje mierkavańnie prezidentu (Uładzimiru Zialenskamu) i publična, i asabista», — zajaviła kiraŭnica vienhierskaj dziaržavy, piša Deutsche Welle.
U toj ža čas Budapiešt maje namier dałučycca da «formuły miru», inicyjavanaj Kijevam, dadała Novak. Pavodle jaje słoŭ, Vienhryja ličyć važnym svoj udzieł u lubym pracesie, zdolnym nablizić mir. Vienhryja rašuča asudžaje ŭvarvańnie RF, padkreśliła kiraŭnica dziaržavy.
Prezidentka Vienhryi 23 žniŭnia ŭziała ŭdzieł u forumie «Krymskaja płatforma» va Ukrainie, a taksama praviała pieramovy sa svaim ukrainskim kaleham. Pavodle danych aficyjnaha Kijeva, lidary abmierkavali dvuchbakovyja adnosiny, transhraničnaje supracoŭnictva i sumiesnyja inicyjatyvy ŭ Zakarpackaj vobłaści.
-
U ZŠA znajšli cieła šaścihadovaha chłopčyka — maci kaža, što ź jaho «vyhaniali demanaŭ»
-
Na pracoŭnym stale ŭ Pucina staić kampjutar z apieracyjnaj sistemaj, jakaja ŭžo šmat hod nie abnaŭlajecca
-
Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach
Kamientary