Učora ŭ Hrodnie adznačyli 895-hodździe horada.
Pavinšavać abłasny centr i jaho žycharoŭ sa śviatam pryjšli hanarovyja hości. Va ŭračystaściach uziali ŭdzieł dziaržaŭny sakratar Rady biaśpieki Alaksandr Valfovič, staršynia Hrodzienskaha abłvykankama Uładzimir Karanik, pamočnik Łukašenki — inśpiektar pa Hrodzienskaj vobłaści Juryj Karajeŭ, staršynia Hrodzienskaha abłasnoha Savieta deputataŭ Alena Pasiuta, staršynia Hrodzienskaha harvykankama Andrej Chmiel, pasoł Rasii Barys Hryzłoŭ, piša «Hrodzienskaja praŭda».
Barys Hryzłoŭ padnios horadu Hrodna padarunak, jaki, jak zaznačaje vydańnie, «maje histaryčnuju značnaść: archiŭnyja dakumienty, jakija paćviardžajuć fakt taho, što horad Hrodna (jaki ŭ toj čas byŭ u składzie Rečy Paspalitaj. — «NN») datyčny da stvareńnia pałka marskoj piachoty, dzień jakoha štohod u Rasii adznačajuć 27 listapada.
«U hady Paŭnočnaj vajny, heta pačatak XVIII stahodździa, impieratar Piotr I pryniaŭ rašeńnie ab stvareńni pałka marskoj piachoty. Adpaviednaje ŭkazańnie jon daŭ hienierał-admirału Fiodaru Hałavinu, jaki znachodziŭsia ŭ hety čas u Hrodnie. Mienavita 16 listapada (pa novym styli 27 listapada) 1705 hoda ličycca dniom naradžeńnia marskoj piachoty. Dziakuj, haradziency, za toje, što heta adbyłosia ŭ vašym nievierahodnym horadzie. Z nahody śviata my dorym Hrodna archiŭnyja dakumienty, jakija paćviardžajuć hety fakt: list hienierał-admirała kamandujučamu Bałtyjskim fłotam admirału Karnieliusu Krujsu ab daručeńni Piatra I stvaryć marski połk kolkaściu 1200 čałaviek. Dorym taksama karcinu, na jakoj adlustravany Piotr I i Fiodar Hałavin na fonie Staroha zamka i raki Nioman», — dapoŭniŭ Barys Hryzłoŭ.
U Hrodnie źnikli turystyčnyja stendy pra Elizu Ažešku
«Panoŭ bačym, šlachtu bačym, a savieckaha voina-vyzvaliciela čamuści niama». Prapahandysty vajujuć z murałam u Hrodnie
U centry Hrodna adkryli novy hihancki murał. Na im historyja horada
U Hrodnie pamianiali datu śviatkavańnia Dnia horada ŭžo treci raz za try hady
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary