Stali viadomyja vyraki videaapierataru Viačasłavu Łazaravu i jaho žoncy Taćcianie Pyćko
Jak stała viadoma BAŽ, viciebskaha videaapieratara-fryłansiera Viačasłava Łazarava asudzili da piaci z pałovaj hadoŭ kałonii ŭzmocnienaha režymu. Jaho žonku Taćcianu Pyćko — da troch hadoŭ kałonii ahulnaha režymu.
Taki vyrak mužu i žoncy siońnia, 25 vieraśnia, ahučyŭ sudździa Viciebskaha abłasnoha suda Jaŭhien Burunoŭ.
Sudovy praces prachodziŭ u zakrytym režymie, abaich abvinavacili ŭ spryjańni ekstremisckaj dziejnaści.
Viačasłava Łazarava i jahonuju žonku Taćcianu Pyćko abvinavačvali ŭ supracy z telekanałam «Biełsat», paviedamlała «Viasna».
U SK trapiŭ archiŭ videaapieratara, što zachoŭvaŭsia na jahonych kampjutarach i ŭ telefonie. Tam znajšlisia videazdymki, na jakich prysutničała jaho žonka Taćciana Pyćko. Na dumku śledstva, takim čynam jana ŭdzielničała ŭ pracy ekstremisckaha farmiravańnia.
Viačasłava Łazarava zatrymali ŭ lutym paśla pieratrusu. 6 červienia zatrymali Taćcianu.
Dačku Taćciany i Viačasłava, jakoj spoŭniŭsia hod, adrazu nakiravali ŭ dziciačy špital — tak robicca ŭ tych vypadkach, kali ŭ dziciaci niama pobač blizkich svajakoŭ ci apiekunoŭ, ale paźniej pieradali babuli.
Ciapier čytajuć
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary