Lepš źjeści adnu šakaładku za raz, čym na praciahu dnia niekalkimi častkami. A apielsinavy sok lepš pić praz sałominku. Što jašče rajać śpiecyjalisty?
Viadoma, što ad zdaroŭja zuboŭ zaležyć ahulnaje zdaroŭje čałavieka. Daśledavańni pakazvajuć, što najaŭnaść paradantytu ŭpłyvaje na raźvićcio takich zachvorvańniaŭ, jak dyjabiet, chvaroby serca, reśpiratornyja infiekcyi i demiencyja.
Tak, padčas kavidu navukoŭcy vyjavili, što virus hetaj chvaroby pranikaŭ u arhanizm u abychod dychalnych šlachoŭ praz chvoryja dziasny.
Viadoma, što sałodkaje drenna ŭpłyvaje na zuby. Ale śpiecyjalisty źviartajuć uvahu, što tut važniejšaja nie kolkaść cukru, a častata ŭžyvańnia sałodkaha. Kali vy źbirajeciesia zjeści što-niebudź sałodkaje, zješcie ŭsio adrazu — na praciahu 5-10 chvilin. Lepš adrazu zjeści cełuju šakaładku, čym padzialić jaje na niekalki častak i jeści na praciahu dnia.
Śpiecyjalisty miedycynskaha centra Ročesterskaha ŭniviersiteta (ZŠA) rekamiendujuć užyvać sałodkaje padčas asnoŭnaha pryjomu ježy, kali vydzialajecca bolš śliny, jakaja słužyć bufieram, što abaraniaje vašyja zuby ad cukru i kisłaty.
Ale nie tolki sałodkaje škodna. Taki ž niehatyŭny efiekt akazvaje praźmiernaje ŭžyvańnie naturalnych sokaŭ z cytrusavych, a taksama hazavanych biezałkaholnych napojaŭ. Navukoŭcy vyśvietlili, što kisłata ŭ apielsinavym soku akazvaje niehatyŭnaje ŭździejańnie na zubnuju emal, prykmietna pamianšajučy jaje ćviordaść.
Kali vy nie hatovyja admovicca ad soku z cytrusavych, to picie jaho praz sałominku. Tyk vy minimizujecie jaho niehatyŭnaje ŭździejańnie na emal zuboŭ. Dla bolšaj upeŭnienaści prapałaščycie rot vadoj paśla taho, jak skončycie pić.
Lekary ni ŭ jakim razie nie rekamiendujuć čyścić zuby adrazu paśla ŭžyvańnia soku z cytrusavych ci hazavanych i enierhietyčnych napojaŭ. Takija napoi akramia vialikaj kolkaści cukru ŭtrymlivajuć fosfarnuju i limonnuju kisłoty, jakija niehatyŭna ŭpłyvajuć na emal zuboŭ. Razumna paśla ich užyvańnia vytrymać paŭzu ŭ paŭhadziny.
Źnizić ryzyku razbureńnia zuboŭ z-za praduktaŭ, jakija vy ŭžyvajecie, dapamoža taksama abmiežavańnie kolkaści pierakusaŭ. A dla samich pierakusaŭ vybirajcie što-niebudź pažyŭnaje. Naprykład, sadavinu i harodninu, bahatyja klatčatkaj (morkva, ahurok, jabłyk, piersik), syr, małako, prosty johurt.
Harodnina i sadavina spryjajuć naturalnamu ačyščeńniu pavierchni zuboŭ ad nalotu. A kalcyj i fasfaty ŭ małace, syry i inšych małočnych praduktach dapamahajuć adnavić zubnuju emal i kolkaść minierałaŭ, jakija vašyja zuby mahli stracić z-za inšych praduktaŭ.
Umacavańniu zuboŭ i ŭzmacnieńniu ahulnaha imunitetu arhanizmu dapamahajuć vitaminy i klatčatka, jakija źmiaščajucca ŭ zielaninie (krop, piatruška, sielderej, špinat).
Stanoŭčy efiekt maje ŭžyvańnie vady. Asabliva ŭzbahačanaj ftoram. Darečy, ftoram (a taksama kalcyjem) bahatyja hreckija arechi i mindal. Apošni taksama viadomy abiazbolvajučym dziejańniem.
Praduchileńniu karyjesu dapamoža taksama čaj. Jak zialony, tak i čorny, jon źmiaščaje polifienoły, jakija zabivajuć bakteryi.
A paśla pierakusu rekamiendujecca pakłaści ŭ rot žavalnuju humku biez cukru, kab pavialičyć vydzialeńnie śliny, jakaja dapamoža vymyć ježu i kisłatu.
Nu a najlepšy sposab padtrymlivać dobraje zdaroŭje zuboŭ — prytrymlivacca kłasičnych paradaŭ pa dohladzie za zubami, uklučajučy čystku zuboŭ dva razy na dzień i vykarystańnie zubnoj nitki kožny dzień.
Čytajcie jašče:
Stamatołah z Kapyla zapiarečyŭ čynoŭnikam: Źnižać ceny — my pacierpim stratu
Navukoŭcy chočuć lekavać karyjes z dapamohaj stvałavych kletak
«Patraciŭ 8 tysiač dalaraŭ na zuby». U kolki biełarusam abychodziacca stamatałahičnyja pasłuhi?
Kamientary
nado kak-to opustiťsia na ich urovień )
tam bieź ćvietočkov čto nazyvajetsia nie raźbieriešsia)