Uładzimir Pucin skazaŭ, što nie atrymaŭ asałody ad intervju Takieru Karłsanu, bo rychtavaŭsia da bolš vostrych pytańniaŭ, tamu vyrašyŭ dahavaryć toje, što nie skazaŭ amierykanskamu žurnalistu, svajmu pułu. Učora ŭviečary zjaviłasia «terminovaje» intervju telekanału «Rośsija 1».
«Adzinaje, pra što my možam škadavać, — heta pra toje, što nie pačali aktyŭnych dziejańniaŭ raniej», — tak Pucin prakamientavaŭ chod vajny va Ukrainie viadučamu telekanała «Rasija 1» Paŭłu Zarubinu, vidavočna majučy na ŭvazie poŭnamaštabnaje ŭvarvańnie 2022 hoda.
Kamientujučy vyniki hutarki i reakcyju na jaje hledačoŭ, rasijski dyktatar nazvaŭ Karłsana «niebiaśpiečnym čałaviekam», jaki śpiecyjalna abraŭ takuju taktyku, kab nie pačuć padčas razmovy «vostryja adkazy».
Pa słovach Pucina, jon rychtavaŭsia da zusim inšych pytańniaŭ i źbiraŭsia adkazvać «vostra», što nadało b intervju patrebnuju «śpiecyfiku», a ŭ vyniku jon «poŭnaha zadavalnieńnia nie atrymaŭ».
Na pytańnie, jaki z kiraŭnikoŭ ZŠA dla jaho bolš vyhadny, ciapierašni prezident Bajden abo jaho papiarednik Donald Tramp, Pucin adkazaŭ: «Bajden. Jon čałaviek bolš prahnazujemy».
Dvuchhadzinnaje intervju Pucina Karłsanu, pavodle The Moscow Times, zaniało tolki 19-je miesca ŭ ahulnarasijskim rejtynhu samych papularnych teleprahram za tydzień z 4 pa 11 lutaha.
Ciapier čytajuć
U Minsku adkryli samuju niezvyčajnuju raźviazku — ałmaznuju. Vyjazdžać treba jak by na sustrečku FOTA5
Kamientary
Hańba Zachadu što kinuli 10 hod nazad Ukrainu, nie uzbrojevali i smaktali tannyj haz i naftu. Za hetyja ḿljardy ad Zachada rasieja hatavała vidavočnuju vajnu