Usiaho patrochu55

Horad u Hiermanii prapanavaŭ žycharam danosić adno na adnaho pa prykładzie «majstra danosaŭ». Tyja masava aburylisia

«Štazi pašyraje dziejnaść».

«Majstar danosaŭ» Nikłas Matei, jaki žyvie ŭ Hiermanii. Fota: Bild

Jak piša niamiecki časopis Bild, ułady niamieckaha horada Najmiunster (na poŭnačy Hiermanii) u sacsietkach paprasili žycharoŭ čaściej źviartać uvahu na vypadki niapravilnaj parkoŭki i paviedamlać pra heta ŭ palicyju razam z fatahrafijaj parušeńnia. 

U jakaści prykładu dla pierajmańnia byŭ pryviedzieny 18-hadovy chłopiec Nikłas Matei, viadomy mnohim u Hiermanii pa mianušcy «majstar danosaŭ», jaki tolki za minuły hod napisaŭ na svaich ziemlakoŭ užo 4227 skarhaŭ za roznyja vidy parušeńniaŭ — ad niapravilnaj parkoŭki da halinki, jakaja ŭpała na darohu, ci ŭžyvańnia hučnaha pyłasosa.

«Paviedamlajcie nam ab niezakonnaj parkoŭcy. Chiba ŭ kožnym z nas nie žyvie maleńki «majstar danosaŭ»? Kali vy zaŭvažyli parušeńnie, to možacie skłaści skarhu praz farmular na našym sajcie i adpravić jaje nam na email, pažadana z fotazdymkami», — napisała administracyja Najmiunstera.

Reakcyja žycharoŭ nie prymusiła siabie doŭha čakać. Jak adznačaje Bild, zaklik čynoŭnikaŭ natyknuŭsia na rezka niehatyŭnuju reakcyju haradžan, jakija pisali ŭ kamientarach, što «heta brydka», što «hety horad — prosta dno», što «heta nahadvaje dziejnaść Štazi» i šmat čaho inšaha.

Ułady horada ŭ adkaz na krytyku zajavili, što «padobnaja reakcyja ich ździviła, bo jany ŭžo dziesiać hadoŭ prapanoŭvajuć žycharam mahčymaść karystacca aficyjnym partałam dla skarh na roznyja parušeńni».

Taksama jany adznačyli, što nie zaprašali «majstra danosaŭ» u Najmiunster (choć toj i paabiacaŭ, što tudy pryjedzie, pieradaje Bild).

Nahadajem, što 18-hadovy Nikłas Matei žyvie ŭ horadzie Hrefienchajnichien (na ŭschodzie Hiermanii) i sam nazyvaje siabie ŭ sacsietkach «majstram danosaŭ». Chłopiec publična chvaliŭ śpiecsłužby Kitaja i «Štazi» — represiŭny orhan Ministerstva dziaržbiaśpieki HDR, jaki kantralavaŭsia savieckim KDB.

«Absalutny kantrol ja liču pravilnym. Heta dapamahaje tamu, kab ludzi lepš dumali, ci parušajuć jany zakon. Z tym, chto vykonvaje zakon, ničoha nie moža zdarycca, — skazaŭ junak haziecie Welt. — Užo pavinna być niešta nakštałt «Štazi». Nie ŭ takim maštabie. U ich było psichałahičnaje pryhniečańnie. Takich mietadaŭ nie pavinna być. Ale absalutny kantrol, ja dumaju, heta narmalna».

«Novaja «Štazi» pavinna sačyć tolki za hramadskaj prastoraj i karać za parušeńni. Ale ja dystancujusia ad takich mietadaŭ, jak «psichałahičnaje pryhniečańnie» i tamu padobnych», — dadaŭ jon u intervju Bild.

Kamientary5

  • Tryn
    17.03.2024
    Kali budzie absalutny kantrol, to jak ty budzieš adbivacca ad pryhniečańnia, kali čynoŭniku zachočacca jaho arhanizavać? 

    Zakon musiać vykonvacca tamu što ludzi masava razumiejuć karyść ad ich. A nie z-za taho, što ich masava prymušajuć.

    Nie pavinny ludzi vykonvać kožny čych čynoŭnika na papiercy. U vyniku drennych rašeńniaŭ prablemy musiać być u čynoŭnika, a nie ŭ ludiej, jakich prymusili heta vykonvać. 
  • Batyśfiera
    17.03.2024
    Niedabitki HDR-aŭskich levakoŭ marać ab viartańni "pravilnaj mocnaj" dziaržavy, jakaja viedaje, jak vam lepš žyć
  • Maksim Dizajnier
    18.03.2024
    [Red. vydalena]

Ciapier čytajuć

U Hruzii apazicyja sprabavała šturmavać prezidencki pałac5

U Hruzii apazicyja sprabavała šturmavać prezidencki pałac

Usie naviny →
Usie naviny

U avaryi ŭ Słuckim rajonie zahinuli čatyry čałavieki z adnoj mašyny2

«U Biełarusi navat ptuški śpiešvajucca». Tyktok skaryła VIDEA vielmi vietlivaj varony2

U ZŠA vypuściać dalaravuju manietu z vyjavaj Trampa7

Prachanaŭ napisaŭ knihu pra Pryhožyna i Pucina, ale ŭłady jaje nie acanili19

U Kleckim rajonie na Dažynki zładzili šeście pa vioscy. Zdalok jano nahadvała pachavalnuju pracesiju VIDEA6

Stała viadomaj pryčyna, pa jakoj zabaranili śpiektakl «Siostry Hrym» u staličnym Teatry lalek5

Biełarusy pikietavali pasolstva Hiermanii ŭ Vilni, patrabujučy pakarańnia dla sadysta Šynvize8

Śviatar Alaksandr Kuchta pryznaŭsia, što supracoŭničaje z «Bajsołam», i raskazaŭ, jak pracuje heta arhanizacyja5

Minhandlu vypadkova źliło dakumient, u jakim pakazała, jak i za što naličvaje premii12

bolš čytanych navin
bolš łajkanych navin

U Hruzii apazicyja sprabavała šturmavać prezidencki pałac5

U Hruzii apazicyja sprabavała šturmavać prezidencki pałac

Hałoŭnaje
Usie naviny →

Zaŭvaha:

 

 

 

 

Zakryć Paviedamić