U Homieli raśpisali mižrajonnyja kvoty na zapaŭnieńnie zały padčas kancertu da «Dnia jadnańnia Biełarusi i Rasii»
U Homielskim abłvykankamie raspracavali płan praviadzieńnia prapahandysckaha mierapryjemstva z nahody tak zvanaha «Dnia jadnańnia narodaŭ Biełarusi i Rasii». Vydańnie «Fłahštok» zdabyło kopiju hetaha płana, padpisanaha staršynioj abłvykankama Ivanam Krupko.
U dakumiencie pryvodziacca kvoty dla «zabieśpiačeńnia jaŭki pradstaŭnikoŭ pracoŭnych kalektyvaŭ, hramadskaści, delehacyj rajonaŭ» na kancert 2 krasavika ŭ Homielskim hramadska-kulturnym centry.
Prysutnaść najbolšaj kolkaści hledačoŭ patrabujecca ad Homiela — 580 čałaviek. Adkaznaść za takuju jaŭku ŭskładziena na staršyniu harvykankama Uładzimira Pryvałava. Homielski rajon pavinien zabiaśpiečyć jaŭku 100 hledačoŭ.
Na astatnija rajony raźmierkavanyja značna bolš ścipłyja kvoty: pa 20 čałaviek — ad Dobrušskaha, Žłobinskaha, Kalinkavickaha, Mazyrskaha, Rečyckaha, Rahačoŭskaha i Śvietłahorskaha rajonaŭ. Z rešty rajonaŭ patrabujecca pryjezd hrup pa 10 čałaviek. Adkaznyja za heta staršyni rajvykankamaŭ.
U dakumiencie havorycca taksama ab nieabchodnaści jaŭki vieteranaŭ, moładzi, «patryjatyčnaj hramadskaści», raspracavanaja schiema rassadžvańnia ŭ zale.
Akramia taho, dakumient źmiaščaje punkty ab vydatkach na pryjom delehacyj z abłaściej Rasii, suvieniry i kvietki ŭdzielnikam kancertu (charčavańnie praduhledžana tolki dla rasijskich artystaŭ).
Skazana i pra nieabchodnaść raźmiaščeńnia ŭ horadzie śviatočnaj atrybutyki (nie mienš za adnu raściažku na rajon), dadziena daručeńnie ab tematyčnych publikacyjach u rehijanalnych dziaržSMI.
Za padrychtoŭku vystupleńnia Ivana Krupko na kancercie adkaznaść uskładzienaja adrazu na traich ideałahičnych rabotnikaŭ.
U Homieli zakryvajuć najbujniejšy spartyŭny kłub — pryčyny, napeŭna, palityčnyja
Na Paleśsi rusifikujuć stełu z nazvaj horada, dzie bolšaść ludziej ličyć rodnaj biełaruskuju movu
Homielski pravakatar Kakojta spytaŭ u administracyi Łukašenki ab zakonnaści tatuiroŭki z Pahoniaj. Paśla hetaha ŭ jaho pačalisia prablemy
Ciapier čytajuć
Maładuju biblijatekarku z Horak asudzili za pratesty2
Maładuju biblijatekarku z Horak asudzili za pratesty
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary