Košku ŭ ZŠA vypadkova adpravili kurjerskaj poštaj. Haspadyni pryjšłosia lacieć za joj tysiaču kiłamietraŭ
Kali Haljana źnikła, jaje haspadary, žychary Juty, zanialisia pošukami, jakija ni da čaho nie pryviali.
Adnak praz tydzień supracoŭniki składa kampanii Amazon u Kalifornii vyjavili źnikłuju žyviołu ŭ adnoj sa skrynak ź viernutymi tavarami, piša Bi-bi-si.
Akazałasia, što Haljana zaskočyła ŭ vialikuju skrynku z pracoŭnymi čaravikami, jakija jaje haspadary kupili na Amazon, ale vyrašyli viarnuć. U vyniku pakiet adpravili nazad razam z žyviołaj.
«Haljana prosta lubić skrynki, heta takaja asablivaść jaje charaktaru», — raspaviała haspadynia Kery Kłark.
Košku znajšoŭ adzin z supracoŭnikaŭ składa Amazon u Kalifornii, jaki adnios jaje da vieterynara. Toj praskanavaŭ jaje čyp i takim čynam daviedaŭsia imia i telefon Kłark.
Amierykanka kaža, što dla jaje heta była «samaja vydatnaja, varjackaja navina ŭ śviecie». «Ja spačatku vieterynaru nie pavieryła, padumała, što heta rozyhryš niejki», — pryznajecca Kłark.
Paśla hetaha joj daviałosia kupić bilet na samalot i ździejśnić pieralot u Kaliforniju, heta značyć pieraadoleć bolš čym tysiaču kiłamietraŭ.
«Sustreča była prosta vydatnaja. Haljana adrazu pierastała dryžać, kali ja ŭziała jaje na ruki, jana adrazu rassłabiłasia», — kaža Kłark.
Na ščaście dla koški i jaje haspadaroŭ, u skryncy z čaravikami byli adtuliny — i žyviole było čym dychać. Pry hetym pakiet nie pieravozili ŭ zanadta haračych abo zanadta chałodnych umovach — i koška zmahła vyžyć, niahledziačy na adsutnaść ježy i pitva.
Ciapier Kery Kłark zaklikaje ŭsich abaviazkova čypavać svaich chatnich hadavancaŭ i «trojčy praviarać» skrynki pierad ich viartańniem pradaŭcu.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary