Hruzinski parłamient pieraadoleŭ prezidenckaje vieta na zakon ab zamiežnych ahientach
Parłamient Hruzii pieraadoleŭ vieta, nakładzienaje prezidentkaj krainy Sałamie Zurabišvili na zakon «Ab prazrystaści zamiežnaha ŭpłyvu». U najbližejšyja piać dzion zakonaprajekt budzie nakiravany na podpis prezidentu.
84 deputaty hruzinskaha parłamienta prahałasavali znoŭ za raniej pryniaty zakon, čaho było dastatkova dla pieraadoleńnia vieta. Pa zakonach Hruzii dla hetaha dastatkova bolšaści hałasoŭ členaŭ parłamienta.
Kali ciapier Zurabišvili admovicca padpisać zakon, to heta zrobić śpikier parłamienta Šałva Papuašvili.
Prypynić dziejańnie zakona paśla jaho ŭstupleńnia ŭ siłu zmoža pazoŭ u Kanstytucyjny sud, na čas razhladu im pazovu zakon dziejničać nie budzie.
Raniej Zurabišvili nieadnarazova abiacała zabłakavać dakumient, kali jon pastupić joj na podpis, i vykazvała padtrymku pratestoŭcam suprać zakona.
Pratesty suprać zakonaprajekta ab zamiežnych ahientach praciahvajucca ŭ Hruzii voś užo niekalki tydniaŭ.
Hruzija maje namier da 2030 hoda viarnuć Abchaziju i Paŭdniovuju Asieciju i stać členam ES
ZŠA ŭviaduć vizavyja sankcyi za padryŭ demakratyi ŭ Hruzii
Čatyry krainy ES prapanavali admianić biaźvizavy režym z Hruzijaj, kali Tbilisi prymie zakon ab zamiežnych ahientach
Prezident Hruzii zaklikała Makrona pryjechać u Tbilisi na fonie pratestaŭ
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary