Śviet22

Rasija i Kitaj pierachodziać na bartar z-za sankcyj

Dźvie krainy sprabujuć abmiežavać vykarystańnie bankaŭskich sistem.

Uładzimir Pucin i Si Czińpin. Fota: Siarhiej Savaśćianaŭ, Kramloŭski puł Sputnik, fota praz AP

Rasija i Kitaj chočuć pierajści na bartar, kab paźbiehnuć pahrozy sankcyj i abmiežavać vykarystańnie bankaŭskich sistem, jakija kantralujucca ZŠA.

Paśla dvuchbakovych zatrymak płaciažoŭ pamiž Rasijaj i Kitajem, źviazanych z pahrozaj sankcyj z boku ZŠA, źjavilisia abychodnyja šlachi ŭ vyhladzie nievialikich kitajskich rehijanalnych bankaŭ, ale prablemy z płaciažami ŭsio roŭna zastajucca, piša Mieduza sa spasyłkaj na Reuters.

Barterny handal dazvolić Maskvie i Piekinu pamienšyć prazrystaść dvuchbakovych tranzakcyj dla zachodnich rehulataraŭ i abmiežavać valutnyja ryzyki.

Dźvie bartarnyja ździełki, źviazanyja ź sielskaj haspadarkaj, pa danych krynic Reuters, čakajucca ŭžo hetaj vosieńniu. Ab padrychtoŭcy barternaj schiemy paviedamiŭ top-mieniedžar bujnoha rasijskaha banka, jaki admoviŭsia raskryć padrabiaznaści. Surazmoŭca ŭ rasijskaj pramysłovaj kampanii raspavioŭ, što abmiarkoŭvajecca ekspart mietałaŭ z Rasii ŭ abmien na abstalavańnie z Kitaja.

Barterny handal, sa słoŭ krynicy ŭ rasijskim uradzie, prapanuje vychad z prablemnaj situacyi z apłataj jak padsankcyjnych, tak i hramadzianskich tavaraŭ. Pavodle jaho słoŭ, pierśpiektyvy ŭ hetaj halinie nie palepšylisia navat paśla pajezdki Uładzimira Pucina ŭ Kitaj u mai 2024 hoda.

Prazrystaść tradycyjnych schiem apłaty surazmoŭcy Reuters nazyvajuć strymalnym faktaram dla dvuchbakovaha kitajska-rasijskaha handlu. U Rasii i Kitaja niama miechanizmu pramych płaciažoŭ. Varyjantam dla bankaŭ, jakija nie trapili pad sankcyi, zastajecca SWIFT, ale sa słoŭ adnoj z krynic, heta «mižnarodnaja bankaŭskaja sistema, jakaja całkam prazrystaja ŭ tym liku dla amierykancaŭ».

Reuters adznačaje, što ŭ historyi handlu Rasii i Kitaja ŭžo byli barternyja ŭhody — u 2019 hodzie Piekin pahadziŭsia abmianiać partyju palmavaha aleju z Małajzii na sumu amal 150 miljonaŭ dalaraŭ na budaŭničyja pasłuhi, pradukcyju z pryrodnych resursaŭ, a taksama hramadzianskaje i abaronnaje abstalavańnie.

U Minpramhandlu Rasii i Ministerstvie kamiercyi Kitaja nie adkazali na zapyty ahienctva ab kamientary.

Kamientary2

  • 08.08.2024
    riuskija buduć mianiać zołata i naftu na kitajskija ŭnitazy, šyrpatreb, technałohii i abstalavańnie. voś heta śmiechdziaržava
  • Janka
    08.08.2024
    Vydatnaja navina. Heta navat nie streł va ŭłasnuju hałavu, a imknieńnie dabraachvotna zaleźci pad hiljacinu, bo taja dakładna nie pramachvajecca.

    Dla Kitaja istotnych prablem nie ŭźnikaje, bo rasiejski ekspart u Kitaj - heta pieravažna bujnyja partyi ź nievialikaj namienkłatury vysokalikvidnaj biržavoj syraviny, ceny na jakuju publična viadomyja. To bok kitajskamu apierataru, jaki budzie raspaŭsiudžvać hetuju syravinu ŭnutry Kitaja, dastatkova budzie emitavać fjučersy i pad ich zamaŭlać patrebnyja jamu abjemy rasiejskaj syraviny. I kali b u Rasieju z Kitaja taksama pajechali bujnyja partyi ź nievialikaj namienkłatury vysokalikvidnaj biržavoj syraviny - to ŭsio vyhladała b simietryčna i surjeznych prablem nie uźnikała.

    Ale ž ahulna heta zusim nia tak, bo zvyčajna z Kitaja adnosna nievialikimi partyjami jedzie vieličeznaja namienkłatura niestandartyzavanych pazabiržavych kitajskich tavaraŭ. Tamu na rasiejskim baku z atrymańniem nieabchodnych tavaraŭ uzamien na svaju syravinu chutka ŭźniknie sapraŭdny handlovy i łahistyčny žach. Heta spravakuje macniejšyja zapavolvańnie pastavak z Kitaju i vybuch vydatakaŭ u rasiejskich imparcioraŭ i adpaviedna inflacyi ŭnutry Rasiei, bo jaje pramysłovaść bieź impartu niežyćciezdolnaja. I heta nia kažučy pra razbureńnie hrašova-kredytnaj i finansavaj sistemy Rasiei, jakaja praz bankaŭskija sankcyi ŭžo ledź nie całkam zaležyć ad Kitaju. Usio heta abvastryć prablemy dla fiskalnaj sistemy Rasiei, a heta stvoryć prablemy dla usiaho biudžetnaha sektaru Rasiei, jaki ŭ tym liku zabiaśpiečvaje viadzieńnie vajny.

Ciapier čytajuć

Izrail nanios udary pa Iranie. Zahinuŭ kiraŭnik Korpusa vartavych isłamskaj revalucyi2

Izrail nanios udary pa Iranie. Zahinuŭ kiraŭnik Korpusa vartavych isłamskaj revalucyi

Usie naviny →
Usie naviny

Zoaabaroncy napisali zajavu na haspadara doma, na kanapie jakoha pamior łoś17

«Kožny raz dakazvaju, što ja čałaviek». Siamja biełarusaŭ z polskimi karaniami čatyry hady sprabuje atrymać DNŽ u Polščy13

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom7

Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio26

Nazvany top-25 kampanij ź biełaruskim kapitałam na Padlaššy

Hienštab Ukrainy paviedamiŭ, što straty Rasii pieravysili 1 miljon čałaviek8

Prezident Sierbii pachvaliŭsia, što nie padpisaŭ dekłaracyju samitu ŭ Adesie i «nie zdradziŭ» Rasii7

U minskim kafe zakazy razvozić robat-aficyjant

Chłopčyki ŭžo nie ŭ modzie? Baćki ŭsio čaściej chočuć dačok5

bolš čytanych navin
bolš łajkanych navin

Izrail nanios udary pa Iranie. Zahinuŭ kiraŭnik Korpusa vartavych isłamskaj revalucyi2

Izrail nanios udary pa Iranie. Zahinuŭ kiraŭnik Korpusa vartavych isłamskaj revalucyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić