Biełaruskamoŭnaj ajcišnicy z EPAM, jakaja viarnułasia z Hruzii, pahražaje da dziesiaci hadoŭ kałonii
Marynu Leanovič, jakaja da zatrymańnia pracavała ŭ EPAM, abvinavačvajuć u «finansavańni vajny» i «sadziejničańni ekstremizmu». Dziaŭčynie pahražaje ad piaci hadoŭ kałonii. Sudzić jaje budzie taja ž sudździa, što Nastu Łojku i Alesia Puškina.
Marynie Leanovič 28 hadoŭ. Jana minčanka. Paśla škoły advučyłasia ŭ BDUIR na mietrołaha. Adrazu pa raźmierkavańni dziaŭčyna pajšła pracavać u EPAM, dzie była frantend-raspracoŭščycaj (čałaviek, jaki raspracoŭvaje tuju častku prahramy, jakuju bačyć karystalnik).
Taksama Maryna zajmajecca tvorčaściu. Naprykład, piša artykuły dla biełaruskaj Vikipiedyi, robić ilustracyi dy pierakładaje na biełaruskuju movu, a jašče piša vieršy. Usie sacsietki dziaŭčyna viadzie pa biełarusku, ale pad psieŭdanimami.
Paśla pačatku vajny Maryna pajechała žyć u Hruziju i asieła ŭ Tbilisi. Dziaŭčyna zachaplajecca pryrodaj i fatahrafuje dy identyfikuje vidy raślin ci nasiakomych, jakija znachodzić padčas vandrovak. Apošni raz jana adznačała štości 3 žniŭnia 2023 hoda — heta byŭ pavuk, jakoha pabačyła ŭ Tbilisi.
Pra zatrymańnie Maryny napisali ŭ tvitary ŭ kastryčniku 2023 hoda. Nieviadoma, čamu dziaŭčyna viarnułasia ŭ Biełaruś.
Sud nad Marynaj Leanovič pačynajecca 11 kastryčnika 2024 hoda. Jaje vinavaciać pa dvuch artykułach — «finansavańnie ekstremisckaj dziejnaści» (č. 1 i č. 2 art. 361-2 KK) i «finansavańnie abo inšaja finansavaja padtrymka vajny» (č. 2 art. 361-3 KK). Dziaŭčynie pahražaje ad piaci da dziesiaci hadoŭ kałonii.
Sudzić jaje budzie Alena Šylko. Jana vynosić palityčnyja prysudy najmienš z 2006 hoda. Šylko prysudziła siem hadoŭ kałonii za pravaabaronu Nastaśsi Łojka, šeść hadoŭ za danaty Mikałaju Vasileviču i piać hadoŭ Alesiu Puškinu, jaki pamior za kratami.
«Naša Niva» — bastyjon biełaruščyny
PADTRYMAĆSudździa, viadomaja mnohim palitviaźniam, i prakuror ź miedalom ad Łukašenki. Chto sudziŭ Alesia Puškina
Maładzieńkaj biełaruskamoŭnaj nastaŭnicy pahražaje da 10 hadoŭ turmy za padtrymku Ukrainy i ŭdzieł u pratestach
«Cichi čałaviek ź miakkim hołasam». Chto tyja sudździa i prakuror, jakija adpravili ŭ kałoniju błohiera Klimoviča — palitviaźnia, jaki pamior za kratami
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie10
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
Tuposť, kak u etoj damy, dołžna nakazyvaťsia. Sama vinovata.