U Rasii buduć zabirać na vajnu nie tolki źniavolenych, ale i padsudnych
Vydańnie «Važnyje istorii» daviedałasia, što ŭ Rasii płanujuć zabrać na vajnu 40 pracentaŭ padsudnych. Raniej kantrakt možna było zaklučać tolki da suda ci paśla, heta značyć z padazravanymi ci ŭžo asudžanymi. Ciapier hety zakanadaŭčy prabieł likvidavany.
Zakonaprajekt, jaki dazvalaje zaklučać kantrakty ź Minabarony na stadyi suda, Dziaržduma pryniała ŭ kancy vieraśnia. Deputaty prahałasavali za jaho adrazu ŭ druhim i trecim čytańniach. Zakon jašče nie padpisany Pucinym, ale, jak raskazali «Važnym istorijam» dva advakaty, jakija pracujuć u Rasii pa kryminalnych spravach, u SIZA idzie padrychtoŭka da taho, kab adpraŭlać padsudnych na vajnu.
Adpaviednaja zadača była pastaŭlena i vajskoŭcam, jakija zajmajucca viarboŭkaj pa kantrakcie, paviedamiŭ surazmoŭca vydańnia ŭ Minabarony. Pavodle jaho słoŭ, padrychtoŭka zaklučajecca ŭ zbory infarmacyi pra toje, kolki padsudnych prydatnyja da vajskovaj słužby i jak šmat siarod ich achvotnych zaklučyć kantrakt: «Z pryblizna 60 tysiač padsudnych čakajecca zabrać 40%».
Pa słovach surazmoŭcaŭ «Važnych istorij», z kožnaha SIZA mohuć zabrać na vajnu kala 100 padsudnych. U Rasii dziejničaje 210 śledčych izalataraŭ, a značyć, mohuć adpravić na vajnu kala 20 tysiač čałaviek.
Krynica, blizkaja da Hienštaba, kaža, što kolkaść źniavolenych dla adpraŭki na vajnu pamianšajecca.
«Heta nie biaskoncy resurs, i rašeńnie adpraŭlać na «SVA» padsudnych śviedčyć pra toje, što prytok źniavolenych užo nie taki, jak raniej. Asudžanyja pa lohkich artykułach, tyja, kamu zastałosia siadzieć niadoŭha, nieachvotna iduć vajavać».
Što da tych, chto adbyvaje pakarańnie pa ciažkich artykułach, to
«značnuju častku takoha kantynhientu ŭžo zabrali, tamu davodzicca brać patencyjnych źniavolenych na ŭvachodzie», — kaža krynica.
Ci nabližaje heta novuju chvalu mabilizacyi?
«Heta zaležyć ad taho, ci chopić ciarpieńnia ŭ Kramla. Pakul što palityčnaje kiraŭnictva zadavalniaje prasoŭvańnie vojskaŭ na 400 mietraŭ u dzień i pastupovaje źniščeńnie ŭkrainskaj armii, ale ŭsio moža źmianicca», — ličyć krynica.
Staŭ viadomy pieršy vypadak hibieli na vajnie žančyny, jakaja zaklučyła kantrakt ź Minabarony RF u kałonii
Rasijskaja hłybinka: žančynie dali 13 hadoŭ za padpał vajenkamata. Dva jaje syny siadziać, treci na vajnie, čaćviorty ŭ prytułku
U Rasii zek, jaki viarnuŭsia z vajny, zarezaŭ dziaŭčynu, jakaja nazvała jaho durniem
Ciapier čytajuć
Kvadrat u Minsku kaštuje rekordna doraha: narešcie pabity rekord 2007 hoda2
Kamientary