Vučonyja vyjavili zaležnaść pamiž praźmiernym spažyvańniem kavy, sokaŭ, haziroŭki i insultam
Zhodna z novymi danymi, častaje ŭžyvańnie hazavanych sałodkich napojaŭ, sokaŭ i kavy pavialičvaje ryzyku insultu, u toj čas jak čaj źnižaje jaje.
Vučonyja z Hołuejskaha irłandskaha nacyjanalnaha ŭniviersiteta ŭ supracoŭnictvie z Univiersitetam imia Makmastera ŭ Kanadzie i mižnarodnaj sietkaj daśledčykaŭ insultu praviali dva hłabalnyja daśledavańni.
U chodzie pieršaha vyvučaŭsia ŭpłyŭ hazavanych biezałkaholnych napojaŭ, sokaŭ i vady na ryzyku insultu, u chodzie druhoha — upłyŭ na hetaje zachvorvańnie spažyvańnia čaju i kavy. Pra heta piša Science Daily.
Vyniki daśledavańniaŭ zasnavanyja na danych prajekta Interstroke, u jakim uziali ŭdzieł amal 27 tysiač čałaviek z 27 krain, siarod ich amal 13,5 tysiačy tych, chto pieranios pieršy insult.
Insult uźnikaje, kali spyniajecca zabieśpiačeńnie kryvioju niejkaj častki mozhu i paškodžvajucca kletki hałaŭnoha mozhu. Heta moža być abo išemičny insult, jaki zvyčajna ŭźnikaje z-za ŭtvareńnia tromba, abo ŭnutrymazhavoje krovaźlićcio.
Vyniki pieršaha daśledavańnia, apublikavanyja ŭ Journal of Stroke, pakazali, što rehularnaje ŭžyvańnie hazavanych napojaŭ, jakija źmiaščajuć cukar abo jaho zamianialniki, pryvodzić da pavyšeńnia imaviernaści insultu na 22%. Ryzyka insultu rezka ŭzrastała pry ŭžyvańni dvuch ci bolš napojaŭ u dzień.
Užyvańnie sokaŭ, vyrablenych z kancentrataŭ z dadatkam cukru i kansiervantaŭ, pryvodzić da ryzyki pavieličeńnia ŭnutrymazhavoha krovaźlićcia na 37%.
U toj ža čas było vyjaŭlena, što ŭžyvańnie bolš čym siami kubkaŭ vady za dzień pamianšaje ryzyku ŭźniknieńnia zachvorvańnia.
Vyniki druhoha daśledavańnia, apublikavanyja ŭ International Journal of Stroke, pakazali,
što ryzyka insultu pavialičvajecca na 37%, kali čałaviek vypivaje bolš za čatyry kubki kavy ŭ dzień. A voś čaj źnižaje ryzyku na 18—20%. Kali ž vypivać 3-4 kubki čornaha čaju ŭ dzień, to ryzyka insultu mienšaje na 29%, a takaja ž kolkaść vypitaha zialonaha čaju — na 27%.
Vučonyja źviartajuć uvahu, što dadavańnie małaka ŭ čaj moža pamienšyć ci zabłakavać karysnaje dziejańnie antyaksidantaŭ hetaha napoju i supraćdziejničać jaho efiektu praduchileńnia insultu.
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad7
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
A ja pamiataju inšyja artykuły navukoŭcaŭ, dzie jany ćvierdzili, što kava stanoŭča ŭpłyvaje na sasudy, sardečnuju myšcu, i praduchilaje prablemy cns ludziej pažyłoha ŭzrostu...