Adna z kampanij uładalnikaŭ «Vostrava čyścini» abvieščanaja bankrutam
U mai 2024 hoda niekalki kampanij uładalnikaŭ «Vostrava čyścini» pačali praces likvidacyi. Siarod ich i TAA «ZachadChimServis».

Ź siaredziny śniežnia kampanija znachodzicca ŭ pracedury bankructva. Infarmacyja pra heta źjaviłasia ŭ Adzinym dziaržaŭnym rejestry źviestak pra bankructva.
Kampanija znachodziłasia ŭ likvidacyi z 17 maja 2024 hoda. Jaje likvidataram stała TAA «Partnior kansałt». Pa zajavie likvidatara Ekanamičny sud Hrodzienskaj vobłaści zavioŭ spravu ab bankructvie TAA «ZachadChimServis» 11 śniežnia i adkryŭ konkursnuju vytvorčaść.
U rašeńni suda havorycca, što sprava była zaviedzienaja ŭ suviazi z adsutnaściu majomaści ŭ kampanii, nieabchodnaj dla zadavalnieńnia patrabavańniaŭ kredytoraŭ.
Tak, na 5 listapada pamier praterminavanaj kredytorskaj zapazyčanaści TAA «ZachadChimServis» skłaŭ bolš za 34 młn biełaruskich rubloŭ, bolš za 68 młn rasijskich rubloŭ, €31,2 tys. i $5,5 tys.
Pry hetym ahulny pamier majomaści kampanii na 5 listapada aceńvaŭsia na bolš za 5,8 młn rubloŭ. Siudy ŭvachodziać 1,7 młn asnoŭnych srodkaŭ, 1,7 młn tavara-materyjalnych kaštoŭnaściaŭ, 2,3 młn tavarnych reštkaŭ u roźničnych cenach. Taksama pradpryjemstva maje debitorskuju zapazyčanaść pamieram 16 młn rubloŭ.
TAA «ZachadChimServis» maje dvuch ułaśnikaŭ: Leakadyju Ramuk i Jaŭhiena Ramuka.
Kiraŭnikom pa spravie pryznačanaja kampanija «Kapitał Dyjałoh». Patrabavańni kredytoraŭ prymajucca da 20 lutaha 2025 hoda.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona

Kamientary