Dziaržsakratar ZŠA acaniŭ značeńnie prasoŭvańnia ŭkraincaŭ u Kurskaj vobłaści
Metazhodnaść nastupu Ukrainy ŭ Kurskaj vobłaści nieadnaznačna aceńvajuć navat prychilniki krainy. Dziaržsakratar ZŠA Entani Blinkien padčas vizitu ŭ Sieuł daŭ svaju acenku hetym dziejańniam USU.
Dziaržaŭny sakratar ZŠA Entani Blinkien zajaviŭ, što stratehičnaja pazicyja Ukrainy ŭ Kurskaj vobłaści maje vyrašalnaje značeńnie dla pierśpiektyŭ lubych budučych pieramoŭ.
Pavodle Blinkiena, administracyja prezidenta Džo Bajdena, jakaja pakidaje pasadu, choča zabiaśpiečyć, kab «Ukraina mieła jak maha macniejšuju ruku dla hulni».
«Ich pazicyja ŭ Kursku važnaja, tamu što, biezumoŭna, heta toje, što budzie ŭličvacca ŭ lubych pieramovach, jakija mohuć adbycca ŭ nastupnym hodzie», — skazaŭ dziaržaŭny sakratar ZŠA.
Blinkien adznačyŭ, što navat u vypadku praviadzieńnia pieramoŭ Ukrainie ŭsio roŭna spatrebiacca «adekvatnyja harantyi biaśpieki», pakolki kiraŭnik Kramla Uładzimir Pucin nie budzie ličyć, što «hulnia skončana».
«Jaho impierskija ambicyi zastajucca, i toje, što jon budzie sprabavać zrabić — adpačyć, pieraasnaścicca i, narešcie, znoŭ atakavać», — padkreśliŭ jon.
5 studzienia stała viadoma, što Ukraina pačała novy nastup u niekatorych rajonach Kurskaj vobłaści. U pryvatnaści, paviedamlałasia ab prasoŭvańni USU z boku Sudžy ŭ bok siała Vialikaje Sałdackaje.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary