Vajna66

Zialenski: Pucin adkinuŭ prapanovu spynieńnia ahniu i atakavaŭ cyvilnuju infrastrukturu

U noč na 19 sakavika Rasija ździejśniła masiravanuju ataku dronami-kamikadze, paraziŭšy cyvilnuju infrastrukturu ŭ niekalkich rehijonach Ukrainy. U pryvatnaści, zafiksavana pramoje traplańnie ŭ balnicu ŭ Sumach, udary pa haradach Danieckaj vobłaści, piša «Ukrainskaja praŭda».

Fota z telehram-kanała Uładzimira Zialenskaha

Pavodle prezidenta Ukrainy, u načnym niebie Ukrainy było zafiksavana kala 40 udarnych dronaŭ Rasii, niekatoryja ź ich dasiahnuli svaich celaŭ.

«Na žal, jość traplańni mienavita ŭ hramadzianskuju infrastrukturu. Pramoje traplańnie «Šachieda» ŭ balnicu ŭ Sumach, udary pa haradach Danieckaj vobłaści, udarnyja drony prosta ciapier u niebie Kijeŭščyny, Žytomirščyny, Sumščyny, Čarnihaŭščyny, Pałtaŭščyny, Charkaŭščyny, Kiraŭhradščyny, Dnieprapiatroŭščyny i Čarkaščyny.

Mienavita takija načnyja ataki Rasii rujnujuć našu enierhietyku, našu infrastrukturu, narmalnaje žyćcio ŭkraincaŭ. I toj fakt, što hetaja noč nie stała vyklučeńniem, śviedčyć, što treba i dalej cisnuć na Rasiju dziela miru», — skazaŭ nočču Zialenski.

Zialenski padkreśliŭ, što takija dziejańni Kramla źjaŭlajucca adkazam na mižnarodnyja mirnyja inicyjatyvy i demanstrujuć niežadańnie Rasii spyniać vajnu.

«Pucin faktyčna adkinuŭ prapanovu poŭnaha spynieńnia ahniu», — adznačyŭ Zialenski.

Prezident Ukrainy zaklikaŭ mižnarodnuju supolnaść reahavać na rasijskija abstreły novymi sankcyjami, pavieličeńniem vajskovaj dapamohi i ŭzmacnieńniem harantyj dla Ukrainy.

U aŭtorak u Kramli zajavili, što Pucin padtrymaŭ prapanovu prezidenta ZŠA Donalda Trampa ab uzajemnaj admovie Ukrainy i Rasii ad udaraŭ pa enierhietyčnaj infrastruktury na 30 dzion i «addaŭ adpaviedny zahad vajskoŭcam».

Kamientary6

  • 1
    19.03.2025
    Niešta boty nijak nie kamientujuć, jaki Tramp małajčyna, što addaŭ zahad pucinu, a toj uziaŭ dy znoŭ u čarhovy raz sarvaŭ usie mirnyja namahańni. Viadoma ž, praściej za ŭsio vinavacić ukraincaŭ i Zialenskaha, a nie kreml, pucina dy ruskich akupantaŭ, jakija pačačali hetuju vajnu dy štodnia abstrelvajuć ukrainskija harady.
  • Dyk i vy ich dziaŭbicie
    19.03.2025
    Putler nibyta pahadziŭsia nie bambić tolki abjekty enierhietyki. Dyk pra što tady viarzie Zialenski? Trapiŭ u balnicu, kaža. A chiba putler pahadziŭsia na poŭnaje spynieńnie ahniu? Nie.
  • .
    19.03.2025
    Tramp pra toje nie viedaje. U ZŠA noč.
    Tramp śpić, jak pšanicu (zakreślena) Ukrainu pradaŭšy.

Ciapier čytajuć

U adkaz na zakryćcio Varšavaj miažy biełaruskija ŭłady ŭziali ŭ zakładniki 1453 polskija fury24

U adkaz na zakryćcio Varšavaj miažy biełaruskija ŭłady ŭziali ŭ zakładniki 1453 polskija fury

Usie naviny →
Usie naviny

Ceny na kvatery ŭ centry Hrodna rastuć šalonymi tempami. I voś čamu3

Na Niamizie zaŭvažyli vialikuju čarhu1

34 hady tamu bieł-čyrvona-bieły ściah i hierb «Pahonia» stali aficyjnymi dziaržaŭnymi simvałami10

«Adzin špryc na ŭsich». U rasijskaj armii epidemija VIČ i hiepatytu7

Patryjarch Kirył nazvaŭ pravasłaŭnyja chramy «duchoŭnymi bienzakałonkami»11

Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA10

Tramp blizki da taho, kab abviaścić pra spynieńnie jašče adnoj vajny2

Pucin dazvoliŭ Hierasimavu vajavać jašče piać hadoŭ4

«Pravasłaŭnyja cerkvy ŭ Zachodniaj Biełarusi zakryvalisia». A kolki ž było cerkvaŭ u BSSR i kolki — u Zachodniaj Biełarusi pa stanie na 1939 hod?31

bolš čytanych navin
bolš łajkanych navin

U adkaz na zakryćcio Varšavaj miažy biełaruskija ŭłady ŭziali ŭ zakładniki 1453 polskija fury24

U adkaz na zakryćcio Varšavaj miažy biełaruskija ŭłady ŭziali ŭ zakładniki 1453 polskija fury

Hałoŭnaje
Usie naviny →

Zaŭvaha:

 

 

 

 

Zakryć Paviedamić