Trahična zahinuŭ były aficer minskaha AMAPa. Da 50-hodździa jon nie dažyŭ litaralna try dni
Pryčynaj śmierci staŭ niaščasny vypadak, ale što mienavita, nieviadoma.
Siarhiej Kisiel słužyŭ u treciaj asobnaj Čyrvanaściažnaj bryhadzie śpiecnaza (u/č 3214), jakaja raźmieščana na praśpiekcie Niezaležnaści (Uručča) u stalicy.
Svajo 50-hodździe Kisiel pavinien byŭ adznačyć 18 sakavika, ale nie dažyŭ da jaho litaralna try dni.
Pryčyna hibieli — niaščasny vypadak, adnak što mienavita adbyłosia, pakul nie viadoma, piša MAYDAY.TEAM
19 sakavika byłoha aficera pachavali na radzimie ŭ vioscy Kazuličy ŭ Kiraŭskim rajonie na Mahiloŭščynie.
Mienavita ŭ hetyja ž dni — 19 sakavika, ale 2008 hoda — Kisiela zvolnili ź milicyi za parušeńnie ŭmoŭ kantraktu, vyśvietliła «Naša Niva».
Na internet-staroncy asacyjacyi vieteranaŭ śpiecnaza MUS «Čiesť» 15 sakavika byŭ apublikavany niekrałoh. Tam havorycca, što Kisiel byŭ uzornym supracoŭnikam.
Kamientary