«Alisa ŭ Krainie Cudaŭ» Cima Biortana
Alisa ŭ Krainie Cudaŭ (Alice in Wonderland)
ZŠA, 2010, kalarovy, 3-D, 108 chv.
Režysior: Cim Biortan
Roli vykonvajuć: Mia Vasikoŭskaja, Džoni Dep, Chielena Bonem-Karter, Enn Hataŭeŭ, Kryśpin Hłovier
Žanr: Fantasmaharyčnyja pryhody pavodle piersanažaŭ adnajmiennaha tvoru Ljuisa Kerała
Adznaka: 6,5 (z 10)
Amal darosłaja Alisa, uciakajučy ad prydurkavataha žanicha, traplaje ŭ krainu svaich dziciačych pryhodaŭ. U kazačnaj dziaržavie ŭładu zachapiła chvoraja na ŭsiu hałavu Čyrvonaja Karaleva (a hałava ŭ jaje vialikaja). Paddanyja marać pazbycca tyranii. A dla hetaha Alisa musić zabić Marmaziaŭra. Alisa, praŭda, nie śpiašajecca ŭstaloŭvać demakratyju ŭ Zalustroŭi.
Karcinu Cima Biertana ŭžo paśpieli papraknuć, što heta sama nie-Biortanaŭski film i samaja nie-Kerałaŭskaja Alisa. Sapraŭdy, zalimitnyja absurdyzmy paźnikali, siužet sproščany pad Dysnejeŭskuju kinafabryku, a režysior nadziva strymany.
Ale Biortan pajšoŭ pa šlachu niadaŭniaha «Šerłaka Chołmsa» — znajomyja piersanažy dziejničajuć u całkam novaj historyi. Druhi pisk siezonu — vizualnyja stereafantazii: čyrvonyja i biełyja armii, śvinka pad nohi, liślivyja prydvornyja z nakładnymi vušami, abkurany vusień, a recept ziołak, uvohule, raju nikomu nie paŭtarać.
Staraja kamanda Biortana adžyhaje: Chielena Bonem-Karter (Čyrvonaja Karaleva) i Džoni Dep (Šalny Kapialušnik) — ta jašče paračka. Škada, što za ruskim dublažom zhubilisia hałasy Styviena Fraja i Krystafiera Li (Čašyrski kocik i Marmaziaŭr).
«Dałoŭ Čyrvonuju Viedźmu!» I nie tolki jaje. I nie tolki Čyrvonuju.
Kvitkoŭ na «Alisu» dasiul nie dastać.
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj20
Kamientary