Ałabaj vybieh z dvara i ŭčyniŭ bojniu — adzin sabaka zahinuŭ, druhi pakalečany
Incydent adbyŭsia ŭ vioscy Małaja Alšanka la Hrodna.
Ałabaj, jaki vybieh z dvara biez namordnika i supravadžeńnia, napaŭ na dvuch susiedskich sabak. Adzin ź ich zahinuŭ, druhi atrymaŭ surjoznyja traŭmy.
Pry sprobie adahnać ahresiŭnuju žyviołu paciarpieła i haspadynia adnaho z hadavancaŭ — žančynie daviałosia prajści kurs pryščepak, paviedamlaje Onliner.by sa spasyłkaj na «Biełaruś 4. Hrodna».
Učastkovy paćvierdziŭ, što haspadar sabaki pryznaŭ svaju vinu: sabaka sapraŭdy nie pavinieŭ byŭ apynucca na vulicy biez nahladu. Pakolki raniej mužčyna da administracyjnaj adkaznaści nie pryciahvaŭsia, dla jaho ŭsio skončyłasia papiaredžańniem.
Sudovaha razboru taksama nie budzie: uładalniki paciarpiełych žyvioł nie stali źviartacca ŭ sud. Sam haspadar ałabaja ad kamientaryjaŭ admoviŭsia.
Kamientary