Usiaho patrochu11

Navukoŭcy ŭvaskrasili lutavaŭkoŭ ź sieryjała «Hulnia tronaŭ»

Amierykanskaja kampanija Colossal Biosciences zdoleła «ŭvaskrasić» vid vaŭkoŭ, jaki vymier zvyš 12 tysiač hadoŭ tamu i dziakujučy sieryjału «Hulnia tronaŭ» atrymaŭ viadomaść pad nazvaj «lutavoŭk», paviedamlaje CNN.

Fota: Colossal Biosciences

«Bijatechnałahičnaja firma Colossal Biosciences abviaściła pra novy praryŭ u svajoj revalucyjnaj misii pa ŭvaskrašeńni vymierłych žyvioł. Kampanija stvaryła troch žudasnych vaŭkoŭ (dire wolves) — vid, papularyzavany fentezijnym sieryjałam «Hulnia tronaŭ», — havorycca ŭ paviedamleńni.

Adznačajecca, što narodžanych vaŭčaniat nazvali Rem i Romuł — u honar lehiendarnych zasnavalnikaŭ Ryma, a vaŭčycu — Kchalisi, jak piersanaža telesieryjała.

Pavodle danych kampanii, užo ciapier vaha ščaniukoŭ «lutavaŭkoŭ» na čverć bolšaja za vahu šerych vaŭčaniat taho ž uzrostu. Čakajecca, što masa cieła darosłych asobin budzie dasiahać kala 65 kiłahramaŭ.

Paviedamlajecca, što pry adnaŭleńni vidu vykarystoŭvałasia DNK z muziejnych ekspanataŭ — čerapa uzrostam 72 tysiačy hadoŭ z Ajdacha i 13-tysiačahadovaha zuba z Ahajo.

Pa słovach hałoŭnaha navukovaha supracoŭnika kampanii Colossal Biosciences Bet Šapira, vučonym pryjšłosia 20 razoŭ redahavać hienomy kletak zvyčajnaha šeraha vaŭka, kab atrymać akcent na rysie dire wolves — vialiki pamier cieła, mocnyja ciahlicy i biełuju poŭść. Vynošvali ščaniukoŭ surahatnyja maci — miašanki bujnych hančakoŭ.

Zaraz ščaniuki žyvuć u ekałahičnym zapaviedniku płoščaj 800 ha, jaki naležyć Colossal Biosciences. Kampanija płanuje ŭvažliva nazirać za imi na praciahu ŭsiaho ich žyćcia, kab zrazumieć, ci nie pryviali hiennyja madyfikacyi da niejkich niečakanych efiektaŭ.

Jość navukoŭcy, jakija vykazvajuć zaściarohi adnosna hetaha ekśpierymientu. Prafiesar ekałahičnaj fiłasofii Krystafier Prestan z Univiersiteta Mantany ličyć, što žudasnyja vaŭki mohuć naškodzić sučasnaj ekasistemie, kali kaliści ich vypuściać na volu. Na jahonuju dumku, varta zadacca pytańniem, dla čaho čałavieku ŭmiešvacca ŭ isnujučy pryrodny paradak rečaŭ i mianiać historyju.

U sieryjale «Hulnia prastołaŭ» z-za adsutnaści žudasnych vaŭkoŭ ich roli hrali zvyčajnyja sučasnyja vaŭki i sabaki parody paŭnočnaja inuickaja.

Kamientary1

  • O RLY
    09.04.2025
    Dyk jakoje ž heta adnaŭleńnie. Heta 20 razoŭ redahavany zvyčajny voŭk. Jany ž nie pamiaścili hienom taho vaŭka.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Madrydzie rasstralali byłoha daradcu Janukoviča8

U Madrydzie rasstralali byłoha daradcu Janukoviča

Usie naviny →
Usie naviny

U Smalavickim rajonie žychary praciahvajuć zmahacca suprać sažałki dla adkidaŭ ź Minska3

Adzinaja hmina ŭ Polščy, dzie pieramoh Mencen, zasielenaja biełarusami. Ale hałasavali nie jany19

Stryječnaha brata biełaruskaha komika Idraka Mirzalizade prysudzili ŭ Azierbajdžanie da 18 hadoŭ źniavoleńnia1

«Moładź bolš dušeŭnaja i dobraja za nas». U Navapołacku dzieci samaarhanizavalisia, kab dapamahčy mužčynu, jaki ŭpaŭ, padniacca4

Łukašenka pachvaliŭsia, što jamu na dzień naradžeńnia padaryli ŭsiudychod23

Łukašenku prapanavali zdabyvać redkaziamielnyja elemienty z pramysłovych adkidaŭ6

U biełaruskich kramach źjaviŭsia pradukt «Dubaj». Padobny da maroziva, ale nie zusim jano13

Jeŭrasajuz pryniaŭ 17-y pakiet sankcyi suprać Rasii. U śpisie i Minski zavod kołavych ciahačoŭ9

Minski restaran ź bieźlimitnaj ježaj adkryŭsia paśla pierapynku5

bolš čytanych navin
bolš łajkanych navin

U Madrydzie rasstralali byłoha daradcu Janukoviča8

U Madrydzie rasstralali byłoha daradcu Janukoviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić