Maskva ŭdaryła pa Mikałajevie z dapamohaj iranskich dronaŭ «šachied». Jak paviedamiŭ kiraŭnik abłasnoj vajskovaj administracyi Vital Kim, u vyniku načnoha nalotu paciarpieli dziesiać čałaviek, dvoje ź ich špitalizavanyja.
Razbureńni zakranuli jak žyllo, tak i haražnyja kaapieratyvy: paškodžanyja dzieviać šmatpaviarchovikaŭ, try aŭtamabili, tryccać haražoŭ i adno administracyjnaje pamiaškańnie. U niekatorych miescach pačalisia pažary, ale ich apieratyŭna likvidavali.
Nie mienš napružanaj była noč i dla Kijeva: tam zafiksavali 30 bieśpiłotnikaŭ, 16 ź ich ukrainskaja SPA źniščyła. U vyniku padzieńnia abłomkaŭ dronaŭ u Hałasiejeŭskim rajonie zdaryŭsia pažar na składach, a ŭ Darnickim rajonie razburany pryvatny dom. Dźvie žančyny atrymali lohkija traŭmy.
Adnačasova Maskva abviaściła pra masiravanuju ataku bieśpiłotnikaŭ na svaju terytoryju. U noč na 10 krasavika byli źbityja dziasiatki dronaŭ: pa 13 nad Branskaj i Kurskaj abłaściami, 12 — nad Kałužskaj, čatyry — nad Biełharodskaj, a taksama pa adnym — nad Arłoŭskaj i Maskoŭskaj abłaściami. Jašče čatyry drony nibyta źbili nad anieksavanym Krymam.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk11
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary