Alaksandr Łukašenka padpisaŭ ukaz i rasparadžeńnie ab ušanavańni dziaržaŭnymi ŭznaharodami i svaimi padziakami bolš za 60 pradstaŭnikoŭ roznych śfier dziejnaści. Nie abyšoŭ jon i pradstaŭnikoŭ svajho ŭłasnaha siamiejnaha kłanu.
Adnoj z troch čałaviek, uznaharodžanych miedalom Francyska Skaryny, stała niaviestka Łukašenki, žonka jahonaha siaredniaha syna Dźmitryja Hanna Łukašenka, bolš viadomaja pad tvorčym psieŭdanimam Hanna Siałuk. Jana ŭ apošnija hady vyłučyłasia na rolu samaj aŭtarytetnaj paetki-piesieńnicy, a taksama zajmajecca pradziusiravańniem praŭładnych masavych mierapryjemstvaŭ.
Inšym kavaleram miedala Francyska Skaryny staŭ dyrektar TAA «Muzyčnaja miedyjakampanija» Andrej Huziel, namieśnicaj jakoha pracuje rodnaja siastra Hanny Siałuk Taćciana Kułakova. Sama Kułakova taksama jość u śpisie ŭznaharodžanych, joj Łukašenka aficyjna vykazaŭ svaju padziaku.
Orden Ajčyny I stupieni Łukašenka daŭ hienieralnamu dyrektaru AAT «Savuškaŭ pradukt» Alaksandru Saŭčycu.
Zvańnie zasłužanaj artystki Biełarusi prysvojena salistcy viadomaha svajoj praŭładnaj aktyŭnaściu hurta Aura Julii Bykavaj, a hienieralny dyrektar TAA «Pradziusarskaja kampanija Aŭra» Jaŭhien Alejnik abyšoŭsia padziakaj Łukašenki.
Siarod šmatlikich uładalnikaŭ hetaj padziaki jość taksama imia prapahandysta, dyrektara Nacyjanalnaj biblijateki i deputata Pałaty pradstaŭnikoŭ Vadzima Hihina.
Siastra Hanny Siałuk: Amieryka i «Jeŭrabačańnie» nam nie patrebnyja, jość rynak Rasii i Kazachstana
U niaviestki Łukašenki novy prajekt. Pradziusar — Hanna Łukašenka, aŭtar scenaryja — Hanna Siałuk
Niaviestka Łukašenki anansavała praciah svajho «Marafona adzinstva» — prajekt «Čas lubić svajo»
«Siłavikam reśpiekt. Siałusie hańba». Bondarava prydumała mianušku dla niaviestki Łukašenki
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary