Biełarus kupiŭ u Pakistanie trochkołavuju rykšu i pajedzie na joj u Minsk FOTA
Jamu treba budzie prajechać 5500 kiłamietraŭ pry chutkaści 25 km/h.
Pradstaŭniki pasolstva Biełarusi ŭ Isłamabadzie ŭručyli biełaruskamu błohieru Alaksieju Pakroŭskamu klučy ad rykšy, na jakoj jon adpravicca da ažyćciaŭleńnia svajoj mary: pajezdki ŭ Biełaruś.
U mierapryjemstvie pryniali ŭdzieł pradstaŭniki biełaruskaj dyjaspary, pakistanskaha ruchu bajkieraŭ, ŚMI, supracoŭniki kampanij, jakija akazali dapamohu ŭ realizacyi prajekta, piša sb.by.
Rykša — trochkołavy aŭtatranspartny srodak z chutkaściu 25 km/hadzinu. A prajechać treba budzie 5500 km. Navat kali jechać kruhłyja sutki bieź pierapynku z maksimalnaj chutkaściu, to heta budzie dzieviać sutak.
«A vy viedali, što hradus dzivakavataści, jak i dozu adrenalinu, treba pastajanna pavyšać? Zdavałasia b — dalej užo niama kudy, ale nie, u žyćci zaŭsiody znojdziecca miesca podźvihu. Karaciej, ja kupiŭ matarykšu ŭ Pakistanie.
Dakładniej skazać, jaje kupiła dla mianie naša darahaja Inačka, Inna Mamčanka. Bieź jaje naohuł ničoha b nie atrymałasia. Voś uvohule ničoha. I biez kamandy See you in Pakistan. Ludziej, jakija mohuć padtrymać lubuju tvaju šalonuju ideju i dapamahčy ŭvasobić jaje ŭ žyćcio, nasamreč vielmi mała», — napisaŭ Alaksiej u svaim fejsbuku.
Fota sa staronki Alaksieja ŭ fejsbuku
«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła
U situacyi z pakistancami ŭłady stali zakładnikami svajoj ža prapahandy i svaich ideałahiem
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»
Ministr abarony Pakistana zajaviŭ pra hatoŭnaść da poŭnamaštabnaj vajny ź Indyjaj
Kamientary