Dva rasijskija Su-30 źbityja rakietami ź bieśpiłotnych kateraŭ — Budanaŭ
Kiraŭnik ukrainskaj raźviedki minabarony Kirył Budanaŭ raspavioŭ niekatoryja padrabiaznaści ŭčorašniaj ataki na rasijskija źniščalniki SU-30. Pavodle Budanava, abodva byli źbityja rakietami ź bieśpiłotnych kateraŭ. Ekipaž adnaho ź ich, imavierna, zahinuŭ.
Kiraŭnik viedamstva paviedamiŭ vydańniu The War Zone, što Upraŭleńnie vajennaj raźviedki Ukrainy źbiła dva źniščalniki Su-30 «rakietami kłasa «pavietra-pavietra» ź infračyrvonym naviadzieńniem AIM-9 Sidewinder, vypuščanymi ź bieśpiłotnikaŭ «Mahura-7». Heta pieršy vypadak, kali źniščalniki byli źbityja bieśpiłotnikami, i pieršaje vykarystańnie AIM-9 ź bieśpiłotnika dla źniščeńnia.
«Heta histaryčny momant», — skazaŭ Budanaŭ.
U sacyjalnych sietkach źjaviłasia videa, na jakim bačny pieršy źbity SU-30. Budanaŭ zajaviŭ, što ni videa, ni zdymkaŭ druhoha sutyknieńnia niama.
Pavodle słoŭ Budanava, HUR vykarystała ŭ atacy try bieśpiłotniki «Mahura-7», dva ź jakich stralali pa samalotach. Jon rastłumačyŭ, što «Mahura-7» — heta varyjant «Mahura-5» dla supraćpavietranaj abarony, admoviŭšysia ŭdakładnić roźnicu pamiž imi.
Budanaŭ zajaviŭ, što ekipaž pieršaha Su-30 vyžyŭ i byŭ padabrany ŭ Čornym mory hramadzianskim sudnam. Papiarednie, ekipaž druhoha samalota zahinuŭ, dadaŭ jon.
Prezident Ukrainy Uładzimir Zialenski ŭ viačernim videazvarocie 3 maja paviedamiŭ ab dvuch za dzień źniščanych bajavych samalotach RF.
«Vielmi trapna naša armija praviała apieracyju pa vajskovych abjektach na terytoryi Kryma: minus jašče adzin, druhi rasijski samalot za sutki. Taksama źniščanyja vajskovyja składy», — skazaŭ Zialenski.
Jon padziakavaŭ admysłoŭcam, jakija naroščvajuć ukrainskija dalnabojnyja mahčymaści — «i ŭ niebie, i na mory».
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
Niešta nie toje ŭ druhim vojsku śvietu))