Rasśledavańnie spravy patanułych na litoŭskim palihonie amierykancaŭ pieradali ZŠA
Hałoŭnakamandujučy armijaj Litvy Rajmundas Vajkšnoras kaža, što rasśledavańnie hibieli amierykanskich vajskoŭcaŭ na palihonie ŭ Padbrodździ pieradadziena viedamstvam Złučanych Štataŭ Amieryki (ZŠA), paviedamlaje LRT.
«Jano (rasśledavańnie) pieradadziena amierykancam, heta ich jurysdykcyja. My ŭnutry zrabili ŭsio, što ad nas zaležyć. My ŭstanavili pryčynu śmierci šlacham uskryćcia (što vajskoŭcy patanuli), kab potym pa jakoj-niebudź pryčynie nie ŭźnikła nijakich nieparazumieńniaŭ. A zatym my pieradali rasśledavańnie pryčyn avaryi amierykancam. Ja ničoha nie mahu skazać pra dalejšy chod padziej, tamu što ja navat nie viedaju», — skazaŭ hałoŭnakamandujučy ŭ intervju BNS.
«Kali amierykancy zachočuć hetyja dadzienyja abnarodavać, jany mohuć abnarodavać. Kali jany nie chočuć, jany nie buduć abnarodavać — my na heta nijak nie ŭpłyvajem», — dadaŭ jon.
Jak pisała ahienctva BNS, čaćviora amierykanskich sałdat, što pieramiaščalisia padčas vučeńniaŭ na palihonie ŭ Padbrodździ ŭ braniamašynie M88 Hercules, źnikli 25 sakavika. Pošukava-vyratavalnaja apieracyja ciahnułasia tydzień. U joj udzielničali litoŭskija, amierykanskija, polskija, estonskija vajskoŭcy, pravaachoŭniki i hramadzianskija asoby.
31 sakavika mašynu dastali, tam byli try cieły, potym było znojdziena cieła jašče adnaho vajskoŭca
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič44
Kamientary