Rasija, jakaja jašče niadaŭna ŭjaŭlała saboj usio bolšuju vajskovuju siłu ŭ Afrycy, ciapier z usich sił sprabuje zachavać svaju prysutnaść na kantyniencie. Vajskovyja chunty ŭ Mali, Nihiery i Burkina-Faso ŭžo prosiać dapamohi ŭ ZŠA.
Z detalami znajomić The Wall Street Journal.
Praz dva hady paśla śmierci zasnavalnika PVK «Vahnier» Jaŭhiena Pryhožyna apieracyi Kramla na afrykanskim kantyniencie znachodziacca ŭ zaniapadzie. Novaja aficyjnaja vajennaja struktura Kramla — «Afrykanski korpus», jaki padparadkoŭvajecca Minabarony Rasii, — tak i nie zmahła dasiahnuć ni finansavaha pośpiechu, ni palityčnaha ŭpłyvu, jakija mieła kaliści impieryja Pryhožyna.
Vajskovyja chunty ŭ Mali, Nihiery i Burkina-Faso, jakija za apošnija try hady vyhnali adtul amierykanskija i francuzskija vojski, ciapier, vidavočna, rasčaravalisia ŭ svaim vybary.
Ekśpierty pa biaśpiecy i zachodnija čynoŭniki adznačajuć, što ŭmiašańnie Maskvy, mahčyma, tolki pahoršyła situacyju. Sachiel — paŭpustynny rehijon, jaki achoplivaje Mali, Burkina-Faso i Nihier, — pieratvaryŭsia ŭ adnu z samych haračych aren hłabalnaha supraćstajańnia ź isłamisckimi bajevikami. Pavodle danych Afrykanskaha centra stratehičnych daśledavańniaŭ, za apošni hod u vyniku isłamisckaha paŭstańnia tut zahinuła amal 11 000 čałaviek.
Jaskravym prykładam rasijskaha pravału źjaŭlajecca Mali. Pieršaja tysiača najmitaŭ «Vahniera» prybyła tudy ŭ kancy 2021 hoda, i ŭrad krainy płaciŭ im 10 miljonaŭ dołaraŭ u miesiac. Adnak, jak pakazała rasśledavańnie hrupy The Sentry, misija «Vahniera» abiarnułasia fijaska. Žorstkija i nie skaardynavanyja rejdy najmitaŭ na mirnyja pasieliščy vyklikali chaos i strach, što tolki palahčała viarboŭku novych džychadzistaŭ.
Finansavyja ambicyi «Vahniera» taksama nie spraŭdzilisia. Najmity tak i nie zmahli atrymać dostup da bujnoha radovišča zołata, bo terytoryja była zanadta niebiaśpiečnaj. U vyniku, pa słovach analitykaŭ, «Vahnier» miesiacami nie atrymlivaŭ apłatu, a ich prysutnaść u Mali nie stała «vartaj inviestycyjaj ni dla adnaho z bakoŭ».
U červieni najmity «Vahniera» pakinuli Mali z padarvanaj reputacyjaj. Na źmienu im pryjšoŭ «Afrykanski korpus», jaki paśpiašaŭ zajavić, što «Rasija nie hublaje pazicyj». Adnak užo praz tydzień kałona «Korpusa» i malijskich vajskoŭcaŭ trapiła ŭ zasadu na poŭnačy krainy, dzie paŭstancy-tuarehi źniščyli pałovu z 40 braniravanych mašyn i zabili dziasiatki bajcoŭ.
Niaŭdačy ŭ inšych krainach
Prablemy Rasii nie abmiažoŭvajucca Mali. U Centralnaafrykanskaj Respublicy (CAR) Maskva sprabuje zamianić kantrakty z «Vahnieram» na pramyja damovy z «Afrykanskim korpusam». Adnak, pa słovach jeŭrapiejskich čynoŭnikaŭ, novyja rasijskija najmity pieravažna nie pakidajuć kazarmaŭ, zasiarodziŭšysia na navučańni, što źnižaje ich efiektyŭnaść.
U Sudanie staŭka na padtrymku lidara paŭstancaŭ Machamieda Chamdana Dahała nie spracavała. Paśla śmierci Pryhožyna Maskva nakiravała piersanał dla achovy załatych rudnikoŭ, ale napady bajevikoŭ i ŭdary ŭradavych VPS prymusili rasijan pakinuć hetyja abjekty ŭ mai.
U Burkina-Faso nievialiki kantynhient «Afrykanskaha korpusa» zajmajecca navučańniem apierataraŭ bieśpiłotnikaŭ i achovaj lidara chunty. Adnak miascovyja ŭłady vyrazna dali zrazumieć, što nie žadajuć pašyreńnia rasijskaj prysutnaści.
«Akno mahčymaściej» dla ZŠA i Francyi
Jak raskazaŭ vydańniu vysokapastaŭleny amierykanski vajenny čynoŭnik, vajennyja chunty ŭ Sachieli ŭsio bolš niezadavolenyja dapamohaj Maskvy ŭ baraćbie ź isłamisckimi paŭstancami, źviazanymi z «Al-Kaidaj» i «Isłamskaj dziaržavaj».
«Jany pačynajuć prasić dapamohi — asabliva malijcy, — skazaŭ vysokapastaŭleny amierykanski vajskovy čynoŭnik, dadaŭšy, što lubaja dapamoha, chutčej za ŭsio, budzie ŭ formie navučańnia».
Prablemy Maskvy, pamnožanyja na nieabchodnaść kancentravać lepšyja vajennyja padraździaleńni na vajnie va Ukrainie, stvarajuć dla zachodnich dziaržaŭ novaje «akno mahčymaściej» u Sachieli.
Tak u lipieni kamandujučy francuzskimi vojskami ŭ Afrycy, hienierał-major Paskal Iani, naviedaŭ CAR, kab abmierkavać mahčymaść adnaŭleńnia vajskovaj padrychtoŭki. Z taho času, jak paviedamlaje francuzskaje pasolstva ŭ hetaj krainie, supracoŭnikaŭ miascovych siłavych struktur pačali nakiroŭvać na navučańnie ŭ Francyju.
Taksama, jak piša vydańnie, płany viartańnia ŭ rehijon razhladaje Pientahon, choć amierykanskija zakony i abmiažoŭvajuć pramuju dapamohu vajennym uradam.
Adzin z varyjantaŭ — pryciahnuć trecija krainy, naprykład Maroka, dla navučańnia miascovych armij. Razam z tym, pavodle krynic, viadomy amierykanski ŭładalnik pryvatnaj vajennaj kampanii Eryk Pryns viadzie pieramovy ab pradstaŭleńni pasłuh biaśpieki afrykanskim uradam.
A ŭ lipieni były daradca Trampa pa baraćbie z teraryzmam Rudolf Atała naviedaŭ Mali, kab prapanavać amierykanskuju dapamohu.
Hetyja kroki śviedčać pra toje, što baraćba za ŭpłyŭ u Afrycy ŭstupaje ŭ novuju fazu, i pazicyi Rasii ŭ joj vyhladajuć usio bolš chistkimi.
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1313
Kamientary
honorlivyje pšeki kak i v 1939 zakončat potieriej svojeho hosudarstva. Bolšie nikohda v Jevropie nie budiet etoj hijeny!