Adpraviŭšysia viečaram na adnu z haradskich sažałak parybačyć, žychar Homiela Alaksiej Biełavusaŭ, akramia ratanaŭ-hałaviešak, złaviŭ zusim ekzatyčnuju dla ichtyjafauny Biełarusi rybku, pa źniešnim vyhladzie padobnuju na dobra viadomaha akvaryumistam chiemichromisa-pryhažuna.
«Ryba nie z našych krajoŭ, trapiłasia na kručok u sažałcy parku «Fiestyvalny». Paśla rybałki, vyvučajučy internet, zrazumieŭ, što hety vid u pryjarytecie žyvie ŭ vadajomach Zachodniaj Afryki i, chutčej za ŭsio, rybka była vypuščanaja ŭ sažałku adnym ź miascovych akvaryumistaŭ», — raskazaŭ Alaksiej partału fishingby.com.
Rybak paprasiŭ nahadać ludziam, što jany adkaznyja za tych, kaho pryručyli, i što pazbaŭlacca ad chatnich hadavancaŭ šlacham vypuskańnia ich na volu — nie lepšaje rašeńnie jak z maralnaha punktu hledžańnia, tak i dla miascovaj ekałohii.
U adroźnieńnie ad ratana-hałavieški, jaki paśpiachova prystasavaŭsia da miascovych umoŭ, chiemichromis-pryhažun nie pieražyŭ by i pieršaha surjoznaha pachaładańnia.
Ciapier čytajuć
Hienierał Kiełah raskazaŭ, čamu ZŠA razmaŭlajuć z Łukašenkam12
Kamientary