Kandydat u prezidenty Mikałaj Statkievič u svaim videazvarocie zaklikaŭ vajennasłužačych prytrymlivacca prysiahi i «fiksavać fakty złačynstva i asob, jakija jaho ŭčyniali». Videazvarot byŭ pieradadzieny ahienctvu BiełaPAN kiraŭnikom vybarčaha štaba kandydata Siarhiejem Marcalevym.
«Ja źviartajusia da vas nie jak kandydat u prezidenty, a jak aficer, jak padpałkoŭnik zapasu, jaki dobra razumieje vašu situacyju», — zajaviŭ Statkievič u pačatku zvarotu.
«Ułada rychtujecca ŭciahnuć vas u svaje niebiaśpiečnyja hulni, zrabić saŭdzielnikami svaich złačynstvaŭ. Adzin čałaviek sprabuje pierakanać vas, što jon hałoŭnakamandujučy, što jon prezident i maje prava addavać lubyja zahady. Heta nie tak. Heta prava jon straciŭ u 1999 hodzie [aficyjny termin zakančeńnia prezidenckich paŭnamoctvaŭ, biez uliku vynikaŭ refierendumu 1996 hoda, kali adlik prezidenckich terminaŭ pačaŭsia nanava. — BiełaPAN.], a potym, pajšoŭšy na vybary, sfalsifikavaŭ ich. Jon ciapier — były hałoŭnakamandujučy i były prezident», — zajaviŭ Statkievič.
Palityk źviarnuŭsia da aficeraŭ siłavych struktur z zaklikam uspomnić, što ŭ 1999 hodzie byli «vykradzienyja, zakatavanyja i zabityja Viktar Hančar, Juryj Zacharanka». «Aficery i sałdaty, jakija vykanali hety złačynny zahad, — jany akazalisia krajnimi. Chtości ź ich pasadžany na 20 hadoŭ u turmu. Chtości źnik, napeŭna, nazaŭsiody. Chtości sprabuje chadzić siarod nas z achovaj. Ale heta achova nie ad nas: heta achova ad tych, chto davaŭ jamu kamandu zabivać śviedak.Vy nie dumajcie, što ŭłada ŭ čymści aryhinalnaja. U nas u krainie adpačyvaje były prezident Bakijeŭ. Jon taksama addaŭ kamandu vajennasłužačym stralać, i jany stralali. Jany vykanali zahad, i jany dumali, što jany dziejničajuć pavodle statuta. A ciapier ich asudzili. Asudzili i vielmi žorstka pakarali. A jon tut, adpačyvaje. Abo voś jašče prykład: susiedniaja Polšča. Śpiecnaz atrymlivaje zahad stralać u šachcioraŭ. I jon hety zahad vykonvaje. I niadaŭna ich sudzili — praz 20 z čymści hadoŭ. Jany taksama žorstka pakarany. Dahetul u Čyli siadziać 500 aficeraŭ za toje, što jany vykonvali zahady Pinačeta. Pieravarot u Čyli, ja nahadaju, adbyŭsia ŭ 1973 hodzie. Pinačet pamior u ciopłaj paścieli. A jany dahetul siadziać», — padkreśliŭ Statkievič.
«Časam dastatkova, kab zachavać honar i viernaść prysiazie, prosta vykonvać zakony.Naprykład, daterminovaje hałasavańnie. Siaržanty i aficery milicyi achoŭvajuć skryni. Na vašych vačach budzie ŭčyniacca złačynstva. Heta ŭžo było ŭ 2008 hodzie. Ale z šaści z pałovaj tysiač učastkaŭ i adpaviednaj kolkaści siaržantaŭ i aficeraŭ milicyi tolki adzin padpałkoŭnik znajšoŭsia, padpałkoŭnik Kazłoŭ, jaki zrabiŭ pavodle zakonu: sprabavaŭ prainfarmavać ab złačynstvie. Zrabicie toje samaje! Urešcie zafiksujcie fakt złačynstva i asob, jakija jaho ŭčyniali», — zaklikaŭ Statkievič.
«I, narešcie, 19 śniežnia. Tysiačy hramadzian Biełarusi, vašych susiedziaŭ, znajomych, mahčyma navat siabroŭ, vyjduć na płošču ŭ Minsku. Kali jany daviedajucca, što vybary znoŭ sfalsifikavany, jany buduć pratestavać. A ŭłada znoŭ zakryjecca vami. Padumajcie, u jakoj situacyi vy možacie apynucca. Zachavajcie svoj honar. Nie dajcie ŭciahnuć vas u złačynstvy. Słužycie, jak vy prysiahali, Kanstytucyi i narodu», — zajaviŭ kandydat u prezidenty.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary